سر فراز ای صالحه عورت ایدوب بو سر سنی #تنورخولی_مبکی_تبریزی

تنور خولی
زبانحال حضرت زهرا علیها سلام به همسر خولی
.
زبدة الاشعار

?: @nohe_torki
.
مرحوم محمد شیخ زادگان (مبکی تبریزی)
.
#فارسی
داد یا صاحب زمان ازگردش دور زمان
رأس خون آلود جدّت شد به خولی میهمان
فاطمه باشوق رأس نورعین
آمده مطبخ سرا ناله کنان
.
#ترکی
قالدی حیران قدسیان کروبیان
منزل اغیار اولوب رشگ جنان
اوغلونون باشین گوروب تا همسرِ
خولیه ایتدی خانم بیله بیان

.
#ترکی (شاه بیت)
.
سر فراز ای صالحه عورت ایدوب بو سر سنی
آغلارام قان آغلادور بو یاتدیقی بستر سنی

.
شاداولاردیم باغریما جان تک باساردیم بوباشی
ایمدی گوررم قانه باتموش قان اولوربوگوزیاشی
مُهجۀ قلبیمدی نالم آغلادارداغ و داشی
غم شریکی ایلیوب مندن بو بی یاور سنی

.
یغموسان باشه بو ایوده نصف شب عورتلری
شیونیله توکموسوز گوزدن یوزه اشک تری
ایتموسن راضی اوزوندن بواوغولسوز مادری
اوّلین یازموش عزادار فاتح خیبر سنی

.
قاتل بی شرمی توپراقه قویوب قانلی یوزون
یانموسان احوالینه قان توزدوتوبدی یوزگوزون
فاطمه بوینوندا حقون وار ایتیرمه اوز اوزون
حُسن نیّت ویرموسن خرجه سور داور سنی

.
خارایوینده بوته دن آیری دوشن خندان گلی
ظلمت شبده تاپوب دردِ دل ایلر بلبلی
گوزیاشون ویرمورامان زهرایه اولدون سویگلی
اوخشارام سن آغلاسان غملی گوگول ایسترسنی

.
اولسا هرکیمسه عزادار غریب کربلا
جنّتین ویرسین وجوب ایلوبدی ذات کبریا
ناله وین بول قدرینی دوشمز اله بو کیمیا
همجوار ایلر بهشده ساقی کوثر سنی

.
بوکسیک باش بولموسن کیمدورکیمون قارداشی دور
زینبیندن آیرولوب قانه دونن گوز یاشی دور
عترتین آغلار قویان اوغلوم حسینون باشی دور
شمردون ذبح ایلیوب غرق ایتدی اشک ترسنی

.
وارث عیسی و موسادی امام انس و جان
حالینه قان آغلیوب جنّ و بشرکون و مکان
بو ایکی نهرین آراسنداویروب لب تشنه جان
دیده گریان ایلیوب سولموش گل احمر سنی

.
میهمان دعوت بالامی ایلیوب اهل نفاق
اولدوروبلر یارو انصارین اوزون تشنه دوداق
بیریاری یانموش چادرداآغلاشورعورت اوشاق
باغریقان ایلّله گور سن هر قرا معجرسنی

.
بیر نچه ضربتله بو باش پیکریندن آیرولوب
گل کیمی اوراق اولوب جسمی سریندن آیرولوب
اکبریندن اصغریندن یاوریندن آیرولوب
نسگلی چوخدی بو بیر غم ایلیوب مضطر سنی

.
قان اولوب اشگیم دوشوب گوز قارداشی عبّاسنه
داش قلج نیزه ویروبلار چاک چاک اعضاسنه
قتلگهده دورمادیم گلدیم حسینون یا سنه
کامیاب ایلوب ای عورت خالق اکبر سنی

.
قالموسان حیران بو صحن منزلینده شوروار
خوابگاهنده قوناقون شعشعات نوروار
گلسه موسی حقی واردی جلوگاه طور وار
طوریده مبهوت ایدوب بو شورش محشر سنی

.
بو شهنشاه زمن دور قتلینه اعدا گلوب
قاننی توکماقه آخر شمر بی پروا گلوب
جانویرنده بو آتاسی باش آچوب طاها گلوب
غصّه مرگ ایلر حیاتون اولسا بو غملر سنی

.
حفظ ناموس و شریعت آختاروب بو شاه دین
باش ویروب جلادینه جمّالی کسمیش اللرین
طیب وطاهردی منزل ایلیوب خولی اوین
بو تشرفدن سعیده ایتدی اول سرورسنی

.
نهضت خونین اسلامی بو باشدان ویردی باش
اوخ اوخ اوستن ویردی اعدا اگمدی کفّاره باش
دین وقرآن زنده اولدی ایتدی آنّین یاره داش
ایلیوب حالی پریشان بو سراطهر سنی

.
بو قوروموش لبلریندن جدّی پیغمبر اوپوب
قلبینی اوچ شعبه لی پیکان آچوب پرپراوپوب
حلقنی نوکِ سِنان وقان توکن خنجر اوپوب
باشنا زوار ایدوب بو سبط پیغمبر سنی

.
اتمدون یاخشی تغافل بوردا شه ایتدی جلوس
آغلادون یاندون بوباشین حالینه ایتدون فسوس
نفرت ایتدون شوهروندن سویلدون شرالمجوس
حُبّ دنیا تولیوب بو قدری بد اختر سنی

.
سن دیردون خارجینون باشی دور مرد لعین
بوخراب اولموش ایونده قوزانوبدی شوروشین
گور نجه زهرا دیور ایوای حسینیم وای حسین
بو قضانون امریدور ایلوب منه همسر سنی

.
نه یوزیله گلموسن ای بی حیا بو منزله
یخموسان دینون ایوین قورتولمیوب ظلمون هله
آلموسان قانی سوزولموش بوکسوک باشی اله
حقی وار نفرین ایده تا عترت حیدر سنی

.
عرصه نی ظلمت گجه سن خولیه تنگ ایتموسن
جان ودلدن بوباش اوسته اونلاسن جنگ ایتموسن
ویرموسان باشه اوزون زهرایه همرنگ ایتموسن
جنّته بو صدق خدمت لرچکریکسر سنی

.
قورموسان شام غریباندا منیله بزم راز
اولموسان نالان عزادار شه ملک حجاز
زینبیم بولسه دعا ایلر سنی وقت نماز
قورتارار« مبکی»کیمی غمدن او غم پرور سنی
.

#سبک_زینبم_جان_اوستیم (4 سبک)

.
#تنور_خولی
#سرفراز_ای_صالحه_عورت_ایدوب_بو_سر_سنی
#مبکی_تبریزی
#فارسی_ترکی
.
#زبدةالاشعار

?: @nohe_torki