سزادی عرشه چخا زینبین نواسی آنا #فاطمیه_صالح_علی_نژاد

زبانحال حضرت زینب (س) در مصیبت حضرت زهرا (س)
.
زبدةالاشعار
.
: @nohe_torki
.
#صالح_علی_نژاد (صالح)
.
سزادی عرشه چخا زینبین نواسی آنا
زمانه ده سنیدون غملر آشناسی آنا
.
گوزلدی بلبل دستان سرا ترانه دیسه
ترانه دنده گوزلدی آنا صداسی آنا
.
وجود هر آنا روشن چراغ محفل دور
اونیله گیتسه گیدر هر ایوین ضیاسی آنا
.
صفادی باشدان ایاقه عطوفت و مهری
آنائیله اولور هر محفلین صفاسی آنا
.
نه تک منم آنا دام محبّتونده اسیر
بو عشق حلقه سینون چوخدی مبتلاسی آنا
.
سنیله قبریده دفن اولدی زینبین روحی
او پاک تربتیوین جان اولا فداسی آنا
.
خزینه دور آنا آغوشی، قیز اونا گوهر
خزینه اولماسا یوخ گوهرین بهاسی آنا
.
سالان چمنده گیدوب بلبل آشیان ایتمز
گورر که غصّه لیدور غملیدور فضاسی آنا
.
دیه لّه درگه حقده اجابته یتیشر
اولان یتیمه قیزین دلده کی دعاسی آنا
.
گوزل جمالیوی رویاده بیر گجه گورسم
بو گورماقیم اولی دل دردیمون دواسی آنا
.
چوخ آرزو ایدرم بیرده بیر قیزیم دیه سن
قیزا نوازش دلدور آنا وفاسی آنا
.
چتین خیاله گلیدی اولیدی رنگاری
پیمبرین رخ مرآت حق نماسی آنا
.
نه قدر سعی ایلدیم اولمادی ولی افسوس
قبول مرهم ایده سینوین یاراسی آنا
.
گلم مزاریوه شرم و حیا اولور مانع
سنه عیاندی قیزون عفّت و حیاسی آنا
.
بلا بلایه ویروب رام اولوب بلا منیله
سنون کیمی باشیمون واردی چوخ بلاسی آنا
.
مصائبه دوزرم ویرموشم ازلده رضا
مشیّتین ندی تقدیر و اقتضاسی آنا
.
اولوبدی خانه نشین جانشین پیغمبر
یقین بو باره ده وار دینین اعتلاسی آنا
.
عنایت ایله که «صالح» همیشه لیق اولسون
حسین درگهینون کمترین گداسی آنا
.
.
#فاطمیه_شهادت
#سزادی_عرشه_چخا_زینبین_نواسی_آنا
#ترکی
.
#زبدةالاشعار
.
: @nohe_torki