زبدةالاشعار

کربلادن سیر شامی قارداش عنوان ایلدیم #اربعین_ذهنی_زاده

اربعین
زبانحال حضرت زینب (س)

.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
مرحوم ذهنی زاده
.
کربلادن سیر شامی قارداش عنوان ایلدیم
دین یولوندا ئولماقون دنیایه اعلان ایلدیم
.
.
تا اوجالدی گون کیمی اول رأس انور نیزه ده
سسلدی اوّلده بیر الله اکبر نیزه ده
باشلادون تبلیغه بولدوم طرز دیگر نیزه ده
طرز تبلیغاتوه تحسین شایان ایلدیم
.
.
طلعت رخساریله آفاقی پرنور ایلدون
آل عمرانه جدانی نخلۀ طور ایلدون
اوندا بولدوم عترتون تبلیغه مأمور ایلدون
امر تبلیغاتیوه اقدام و اذعان ایلدیم
.
.
یغدیم اوندا باشه بیر جمع پریشان باش آچوخ
جمله سی غارت اولونموش دیده گریان باش آچوخ
قویمادیم قالسون عیال شاه عطشان باش آچوخ
بیر حجاب ایتدیم تدارک کونی حیرات ایلدیم
.
.
شامیان بو قصد له بیزلردن آلمشدی نقاب
تا نظر لرده عیالون خارجی اولسون حساب
ایلدیم اعلام اولماز اهل قران بی حجاب
قولاً و فعلاً بیان حکم قرآن ایلدیم
.
.
پرده سالدیم گون یوزه زلف سیه دن ابر تک
مندن آلدی مشقنی هشتاده دین قاره لچک
توکدولر گون یوزلولر رخساره زلقین تک به تک
پردۀ زلف آتدا هر رخساری پنهان ایلدیم
.
.
بوحجایه هر باخان بولدی دیانت اهلیوخ
کان عصمت معدن شرموخ شرافت اهلیوخ
دستگیروخ عزت نفس و شهامت اهلیوخ
هر نظر اهلین تماشادن پشیمان ایلدیم
.
.
کربلادن باغلاناندا کوفه و شامه قطار
اهل بیت عصمتی ایستوب قشون ائتسون سوار
نه دیوم نه حالیکه گویا بیزوخ اهل تتار
اوندا خط و مشییمی بر حسب فرمان ایلدیم
.
.
من اوزوم میندیردیم اهل بیتوى محمللره
قویمادیم نامحرم ال دگسون بنات حیدره
گر چه چوخ قمچی ورولدی چوخ سر بی معجره
لیک من بیر لطفله مین درده درمان ایلیدم
.
.
ایستدیم دنیا بوله بیزلر پیمبر آلیوخ
هم مسلمانوخ همی احکام شرعه حالیوخ
شرع و دین ترویجینون جمع پریشان حالیوخ
جمع اوزوم تک باشه بیر جمع پریشان ایلدیم
.
.
باشون آردینجا دوشوب طی مراحل ایلدوخ
اشک سیلابیله باطل جاده سین گِل ایلدوخ
هر قدمده حق یولون تسطیح کامل ایلدوخ
من هامی ثابت قدمدن کسب رجحان ایلدیم
.
.
کوفه ده تاپمشدی شهرت خارجی اولادیوخ
گوردولر اسلامه کونین مایۀ ارشادیوخ
عین غمده استماع صوت قرآن شادیوخ
سن تلاوت منده ذکر نام سبحان ایلدیم
.
.
بیر بیره دگدی تماماً شهرین اهلی خاص و عام
کیمدی بو باش ذکر ائدر آیات حی لاینام
ای عجب بو اهل بیتی عین عصمتدور تمام
بومعمّا مشکلین حلّین من آسان ایلدیم
.
.
پردۀ تهمت چکور گوردوم گونه اهل عناد
خلق آرا منسوب ایدوبله باشوه بیر اوزگه آد
ایستدیم من فاش ایدم گوردوم چکور کفّار داد
بیر اشارتله تمامین جسم بیجان ایلدیم
.
.
قالب بیروح تک سالدیم تمامین نطقدن
باتدی سسلر باخدی گوزلر تا دل آشدیم نطقه من
قالمادى دین اوسته جانویرماقلیقین بیر بُلمین
آیۀ ذبح عظیم حقّونده برهان ایلدیم
.
.
خلقه آندوردوم بو باش ارکان دینون باشیدور
کامل اثبات ایلدیم دین مبینون باشیدور
تا دیدیم واضح بو قانلو باش حسینون باشیدور
کوفه شهرینده اوگون محشر نمایان ایلدیم
.
.
گوردوم آز قالدی حقیقت نقطه سین دوتسون مجاز
ایلدیم تصمیم ایدم منده اوگون ابراز راز
باشیمی یاردیم اولام همرنگ سلطان حجاز
منده بوآق زلفیمی قانیله الوان ایلدیم
.
.
باخدیم آی تک باشیوین دورینده وار سیاره لر
منده دوزدوم باشیمه بیر نچه بختى قاره لر
تا وارام من هر قدر وار بو وطن آواره لر
بو پوزوخ پرکاری جزو جاه سلطان ابلدیم
.
.
کربلا دن شامه گیتدیم شمر الینده دلفکار
گه پیاده گه شکسته محمله اولدوم سوار
نقطۀ نون تک گوزومدن قویمادیم باشون کنار
دورینه پرگار تک حیرتله دوران ایلدیم
.
.
گر چه گیتمز داغ دل وار کوفه ویرانۀ دن
داد امّا بزم عام زادۀ مرجانه دن
انتقامین الله آلسون دینه هر بیگانه دن
بیله بیر نفرین اوگون من دیده گریان ایلدیم
.
.
.
#کربلادن_سیر_شامی_قارداش_عنوان_ایلدیم
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  زینب مرتضا نشان نه خلق اولوب نه خلق اولار #زینبیه_غمکش

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی