زبانحال امام حسین (ع) در بالین حضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
مرحوم حاج مختار نخستین اردبیلی
.
سسلدون هرایه گلدیم ، گؤزلرون فداسی قارداش
نهرون اوسته سینه سیندن ، قان وئرن یاراسی قارداش
واى منه ائویم یخیلدی
غصّه دن اؤرک سیخیلدی
.
.
قولارون دوشنده قارداش، گئتدى اللریم الیمدن
کوفه اهلی آیری سالدى، من غریبی ئوز إلیمدن
بیر نفر آدامسیزام من، قالخا بیلمورم بئلیمدن
دور یاپوش منیم ألیمدن، گؤزلریم ضیاسی قارداش
واى منه ائویم یخیلدی
غصّه دن اؤرک سیخیلدی
.
.
سینون اوسته سن لوانی ، جان کیمین قوجاقلیوبسان
من گلینجه یارون اوسته ، زحمتیله ساخلیوبسان
من گلنده بازدیده، سن قاچوب قاباقلیوب سان
آچ گؤزون اوغولسوزام من ، دردیمون دواسی قارداش
واى منه ائویم یخیلدی
غصّه دن اؤرک سیخیلدی
.
.
باشون اوسته من گلنده ، أل چالوب منه گولن وار
ألریم بئلیمده قالدی ، دردیمی مگر بیلن وار
آچ گؤزون آنام نشانی، قانلو گؤزلرون سیلن وار
ایلدون منِ غریبی، غملر آشناسی قارداش
واى منه ائویم یخیلدی
غصّه دن اؤرک سیخیلدی
.
.
دور گئدک گؤزتلین وار، تشنه لر گزور خیامی
بیر الی دوداقلاریندا ، بیر ألینده وار سوجامی
زینبیم دعا ائدوردی ، قیزلاریم دیوردی آمی(آمین)
دین یولوندا دوغرانوبسان، واردی حق رضاسی قارداش
واى منه ائویم یخیلدی
غصّه دن اؤرک سیخیلدی
.
.
اللریم بئلیمده قالدی ، تلّه من چخوب أننده
چاره می الیمدن آلدى، خیمیه سسون گلنده
باشیمی بلایه سالدى، دشمن أل چالوب گولنده
گل دیله دانش منیلن ، روحمین غذاسی قارداش
واى منه ائویم یخیلدی
غصّه دن اؤرک سیخیلدی
.
.
ای منیم وفا شعاریم ، ای منیم وفالی شیریم
شان وشوکت و وقاریم ، خوش نویس گؤزه ل دبیریم
بش دقیقه ممکن اولسا، دور اوتور منیم وزیریم
واردی گور منیم نقدری، باشیمون بلاسی قارداش
واى منه ائویم یخیلدی
غصّه دن اؤرک سیخیلدی
.
.
.
.
.
#عباسیه_نخستین
#عباسیه_شهادت
#سسلدون_هرایه_گلدیم_گؤزلرون_فداسی_قارداش
#ترکی
.
✍️ #زبدةالاشعار ✍️
.
🆔: @nohe_torki
نظر دهید