سس دوشدو اهل عالمه ماه عزا گلدی #ورود_محرم_نادری

ورود ماه محرم
..
..
..
..
#سبک_ویرانه_ده_نازلو_بالام
..
..
..
..
مرحوم قدرت اله نادری میانجی
..
..
..
..
سس دوشدو اهل عالمه
ماه عزا گلدی
ای کربلا آماده اول
شاه هدا گلدی
..
..
..
..
ماه محرم دیر سنین دشتین اولوب گلشن
منزل ائدیب سنده حسین ای وادی ایمن
قویما فراته ال تاپا بیرحم دیر دشمن
بیر کاروان مهمان سنه ای کربلا گلدی
..
..
..
..
دریای رحمتدن چیخیب بیر گوهر الماس
همتا اولا بیلمز اونا هئچ خضریلن الیاس
ظلماته نورافکن سالیب، بدرالدجا عباس
نصر من الله پرچمی صاحب لوا گلدی
..
..
..
..
قویدی قدم تپراقوه شاه ملک لشگر
سیاره شمس قمر قاسم علی اکبر
محملده بانوی حر م گهواره ده اصغر
زهرا قزی زینب کیمی بیر مه لقا گلدی
..
..
..
..
واضح دییم آخر سنه ای کعبه ثانی
شام اهلی آغلار قویماسین بیچاره لیلانی
قویما گتیرسین مقتله سعد اوغلی زهرانی
جام الده بیر اوچ یاشدا قیز دیلده نوا گلدی
..
..
..
..
قویما حریمونده سنین شمر ایلسین طغیان
طاووس زرین چترلر تا اولماسین گریان
قویما سپهر عز ته صیاد آتا پیکان
شهپر آچیب گلزاریوه فوج هما گلدی
..
..
..
..
تاپدین مقام منزلت ای دشت مهماندار
دی کسمه سین قوم اسد یول اوسته قربانلار
یتمیش ایکی جان وئرمگه گل اوزلی قربان وار
یاسه باتان طوی حجله سی نو کدخدا گلدی
..
..
..
..
یاز #نادری عالم بو گون گیمیش قرا آغلار
ال قولتوقوندا مرد و زن، شاه و گدا آغلار
گویا محرم دیر گینه، ارض وسما آغلار
صاحب عزادیر مجلسه خیرالنسا گلدی
..
..
..
..
#ورود_محرم
#سس_دوشدی_اهل_عالمه_ماه_عزا_گلدی
#نادری
#ترکی
#زبدةالاشعار