آمدن نعش علی اکبر (ع) به خیمه گاه
..
..
..
#سبک_یارالی_جان_یارالی … #سبک_شهریاریمسن_آقا … #سبک_کربلا_منتظر_ماست … 4 سبک
#سبک_ای_منیم_آرخام_ایلیم (با اضافه کردن واگیر)
..
..
..
مرحوم تقایی اردبیلی
..
..
..
..
سس دوشوب خیمه لره موکب شاهانه گلور
نوجوان نعشی قوجاقنده یانا یانه گلور
..
..
..
..
هر بالا قز بلوب اوضاعی چکلدی رمقی
گوردیلر باد ستملن داغلوب گول ورقی
فی المثل پارچالیوب جسمنی گرگان شقی
کربلا یوسفنون کوینگی کنعانه گلور
..
..
..
..
نوجوانان بنی هاشم ایدور داد و فغان
آغلیور ورد ایلیوب واولدا شاه جهان
قاسمون آهی ثریّایه چخوب ناله کنان
الى قوینندا شه دینیله یان یانه گلور
..
..
..
..
بلدی بو محنت عظمانی اول زینب زار
خیمه دن اللری قوینوندا خانم اولدی کنار
قارداشیم وای سولیوب قاچدی گوزى اشک نثار
تسلیت وئرمگه سلطان لب عطشانه گلور
..
..
..
..
دیدی قربانون اولوم آغلاما ای سرور دین
قلبوی یاره لیوب دوزدی حسین فرقۀ کین
اکبرون حقّه فدا دور ایلمه شور و انین
نوجوانون یتشوب رتبۀ شایانه گلور
..
..
..
..
اکبرون نعشنى قویدی یره سلطان جهان
حرم اهلی آلوب اطرافین اونون ناله کنان
سسلدی نازلی سکینه علی جان یاتما اویان
دور باجوندور وورا کاکللریوه شانه گلور
..
..
..
..
باخدی آغلار گوزیله گوردیکی یوخدور نفسی
توکدی گوزیاشین عذاره اوجالوب زمزمه سی
یتیشوب لیلیه اهل حرمون ناله سسی
دیدی غم نغمه سیدور بو من نالانه گلور
..
..
..
..
عرض ایدوب قارداشنا زینب افسرده خیال
باجی قربان سنه ای سرور گردون جلال
دورما قارداش داخی آرترما غم و درد و ملال
آغلوسان سن حرم آهولری افغانه گلور
..
..
..
..
چرخ دون کامه یتوردى على اکبر آناسین
ویر اجازه گتورم لیلنی گورسون بالاسین
باغلاسون معجریله باشدا کی خنجر یاراسین
ایندی لیلا غمی اخیامیده طغیانه گلور
..
..
..
..
الغرض ویردى اجازه او شه عرش خدم
گلدی لیلا یاننا ناله کنان اهل حرم
گیردیلر قولتوقنا چون آتا بلموردی قدم
شمع هجرانه یانا شوقیله پروانه گلور
..
..
..
..
یتیشوب نعش على اکبره سست اولدی دیزی
تیره شامه دولانوب نعشی گورنده گونوزی
دیدی آچ گوزلریوی دیده گلوب لیلی اوزی
باشوون اوسته آنوندور دیمه بیگانه گلور
..
..
..
..
شمع رخساروی کیم ظلمیله خاموش ایلدی
کیم من غم زده نی بیله سیه پوش ایلدی
هانسی ظالم سنی مرگیله هم آغوش ایلدی
بوقدر یاره لر آخر نجه درمانه گلور
..
..
..
..
من سنى بسله میشم نازیله سینمده بالا
نه روادور گل سینم بیله یر اوسته قالا
بو قدر محنته تاب ایلر علی هانسی آنا
بیرده دنیایه مگر سن کیمی دردانه گلور
..
..
..
..
نطقه گل منله دانش قلبیم ایوی قاندور علی
آچ گوزون بیر باخشون دردیمه درماندورعلی
ساکت ایله اورگیم گور نه هراساندور علی
بیله وسعتده جهان لیلیه غم خانه گلور
..
..
..
..
عمریم اولسا نقدر ناله و افغان ایدرم
داغلانان قلبیمی هجرونده علی قان ایدرم
آغلارام گوزلریمی تاسنه قربان ایدرم
غم هجرانیله آخرده آنون جانه گلور
..
..
..
..
ای اولان عالم آرا شبه رسول مدنی
ای دوتان پرده صفت قانی او وجه الحسنی
رقمه گتدی تقائی گنه بو سینه زنی
لطفون هر ثانیه بو نوکر سلطانه گلور
..
..
..
..
#اکبریه #تقایی_اردبیلی #اکبریه_شهادت #ترکی #زبدةالاشعار
نظر دهید