سعی ائله دنیاده غصّه توکمه انسان اوستونه #پندیات_علی_تیموری

پندیات
.
✍️ #زبدةالاشعار✍️
.
🆔: @nohe_torki
.
علی تیموری اردبیلی
.
سعی ائله دنیاده غصّه توکمه انسان اوستونه
بی سبب عالمده سن ال قویما قرآن اوستونه
.
حقّی اثبات ایله قوی بیرکس پریشان اولماسون
غصّه نی یاغدیرما باران تک مسلمان اوستونه
.
عشقی تفسیر ایله سون چوخدور بلاسی دهریده
ساده رحمت نازل اولماز عبد رحمان اوستونه
.
عاشقم مدتدی منده اولمیشام بیمار عشق
ویرما یاره توکمه هرگز دردی درمان اوستونه
.
دوزدی کی “عاشق گرک دار ونداریندن کچه”
کچمسه جاندان قویولماز یاخچی عنوان اوستونه
.
شمعین عشقینده یانار پروانه لاکن یوخ سوزوم
یانسادا دایم ویرار پر شمع سوزان اوستونه
.
رد ائله یوزدن نقابی قوی جمالون گورسنه
بوسه ویرسام خوش دوشر لعل بداخشان اوستونه
.
درس آلوبسان «مژده» دن شعرون شعور اوسته گزور
چک سوزی «تیموریا» الساعه عرفان اوستونه
.
#سعی_ائله_دنیاده_غصه_توکمه_انسان_اوستونه
#ترکی
.
.
✍️ #زبدةالاشعار✍️
.
🆔: @nohe_torki