سلام اولا سنه ای قلبیمون صفاسی على #حضرت_صغری #اقبالی

نامه ی حضرت صغری (س) به حضرت علی اکبر (ع)
.
#زبدةالاشعار
.
: @nohe_torki
.
اقبالی
.
سلام اولا سنه ای قلبیمون صفاسی على
الهی جانیمه گلسون بویون فداسی على
.
نه کم محبت ایمیش سن نه بی وفا قارداش
مگر بودور باجی قارداشلیقون وفاسی على
.
وطنده هئچ دئموسن بیر علیله باجیم وار
نه قوم و خویش یانیندا نه اقرباسی على
.
ائویمده یاخشی غریب ایلدون منی گئتدون
ائشیتموری قولاقیم آشنا صداسی على
.
قاپوم یوزیمه منیم باغلانویدی سن گئده لی
قاپومی آچماقا وار خلقین ادعاسى على
.
گئجه صباحه کیمی ناله م عالمی بوریوب
مکدّر ائتدی بو مخلوقی آه و واسی على
.
غذا جگر قائیدی شربتیم گوزوم یاشی
مریض عشقین ازلدن بودور غذاسی على
.
نه احتیاج سنه عرض ائدم اوزون بیلوسن
نقدری وار سنه بو بیکسون دعاسى على
.
گئدنده وعده وئروبسن گلوب منی آپاران
هانی او سؤزلریوین اصل مدعاسى على
.
سبب نه اولدی که ترک حجاز ایلموسوز
یقین که یاخشیدی کرب و بلا صفاسی على
.
نه وقت یتیشدی مبارک الیوه بو نامه
منیده سالگیله بیر یاده حق رضاسی على
.
او مهربان آتاما سؤیله بیر قیزون واردور
نه بیر گلوب گنده نی وار نه هم نواسی على
.
مگر قیزی دگلم من اونون سؤال ایله
و یا آتارلا قیزی اولماسا آناسی على
.
منیم دلیمجه عمومه یتور سلام و دعا
او دور منیم بو سنیق گوگلومون دواسی على
.
محبتی چوخیدی خاطریمی ایستردی
اونونداکی بویوموش لطفونون بقاسی على
.
مگر بو حالیمی بیلمور خانم بیبیم زینب
اونون الینده دی بو دردلرون دواسی على
.
او ایسته سیدی اگر من وطنده قالمازدیم
گییردیم اگنیمه منده سفر لباسی على
.
سکینه بختور اولدی آنا قوجاقینده
همی بیبیم اونی ایستر همی آناسی على
.
منیم آنامدا اگر ئولمیوب ساغ اولسیدی
قبول ائدردی آتام مندن التماسی على
.
هزارحیف طویون گورمدیم علی اکبر
گلینجه سن داخی یوخ عمریمون وفاسی على
.
على دئدیم او قدر آغلادیم باشیم آغاروب
یاخانمادیم باشیما بیرجه طوى حناسى على
.
اولیدیم اوردا دونیدیم باشووا آی قارداش
گیینده اگنیوه ذوقیله طوی لباسی على
.
اگر عروسوی گورسم اونا کنیز اولام
خصوص اولسا بنی هاشم اقرباسی على
.
خدانکرده اگر سن گلینجه من ئولسم
کیمیم مزار قازار کیم دوتار بو یاسی على
.
مزاریم اوسته کیمیم بس منه اوخور قرآن
کیمیم قورار منه بزم عزا بناسى على
.
عجب عزیزیدیم عالمده چوخ ذلیل اولدوم
سالوب بلایه منی چرخ دون جفاسی علی
.
بو غملو واقعه دن اهلبیت پیغمبر
فغان و آهیله عالملره سالوبلا شرر
.
ویراردی باشینه آغلاردی بینوا لیلا
دییردی کاش اولیدی بو خیمه ده صغرا
.
گوریدی اکبری لیلا نجه ائدوب داماد
گلیدی سؤیلمگه اکبره مبارکباد
.
بو غملی سؤزلری «اقبالی» قیلگیلان کوتاه
سنی جزاده باغیشلار بو سؤزلره الله
.
.
#سلام_اولا_سنه_ای_قلبیمون_صفاسی_على
#ترکی
.
#زبدةالاشعار
.
: @nohe_torki