سلام ای اسوه ایمان خدیجه #حضرت_خدیجه_آذرین_خلخال

وفات حضرت خدیجه سلام الله علیها
#گریز به #دفن_شهدا
.
زبدة الاشعار
.
: @nohe_torki
.
ودود آذرین خلخال
.
سلام ای اسوه ایمان خدیجه
دواسیز دردلره درمان خدیجه
.
سنیدون حامی دین محمّد
پیمبر جیسمینه ای جان خدیجه
.
گهرلی كنزی تقوا و شرافت
شمیم عشقی چون ریحان خدیجه
.
گچوبسن دینه خاطر واریوخوندان
نبیلن باغلادون پیمان خدیجه
.
دیسم سرو سرافراز فضیلت
سنه خوشدور بیله عنوان خدیجه
.
سنیدون اوّلین حامی اسلام
سنه فخرایلیور دوران خدیجه
.
سنون كوثر كیمی جوشدی بلاغون
تاپوب اوندان صفا بستان خدیجه
.
او بستان زهرۀ زهرا بجردیب
ایدیبدی عالمی حیران خدیجه
.
سنون هجرونده زهرا نوحه خواندی
اولوب اشكی یوزه غلطان خدیجه
.
دیوللر بش كفن ارسال ایدوبدی
سنه خاطر حق منّان خدیجه
.
كفنلر صاحبی اولدی مشخص
اولان محبوبه یزدان خدیجه
.
سنیلن مصطفی حیدرله زهرا
حسندور صاحب اكفان خدیجه
.
حسینه چاتمادی عرشی كفندن
واریمدور بیر سوزوم الان خدیجه
.
شهید اولدی حسین چون كربلاده
اونا ظلم ایلدی عدوان خدیجه
.
قالوبدی اوچ گیجه گوندوزاو چولده
كفن سیز قانینه غلطان خدیجه
.
بوكوب آخر اوجیسمی بیر حصیره
مریض كربلا گریان؛ خدیجه
.
یازوبدی قبری اوسته اوغلی سجاد
شهیداولدی حسین عطشان خدیجه
.
عنایت ایله اولسون (آذرین)ده
كرملی سفرووه مهمان خدیجه
.
.
.
#سلام_ای_اسوه_ایمان_خدیجه
#ترکی
.
#زبدةالاشعار
.
: @nohe_torki