سلام گرم اولا بیت خدا گورن حاجیا

سلام بر حاجیان بیت خدا
.
زبدة الاشعار

?: @nohe_torki
.
امینی خویی
.
سلام گرم اولا بیت خدا گورن حاجیا
منا و معشر و مرو و صفا گورن حاجیا
.
سلام او کعبه نی هفت مرتبه طواف ائلین
لقای هر نه دن اعلا لقا گورن حاجیا
.
سلام او زمزمی مین شور و شوقیله ایچنه
فضای عشقیده حال و هوا گورن حاجیا
.
سلام امیدیلن اول نور داغین سراغ ائدنه
فراز کوهده غار حرا گورن حاجیا
.
سلام او نقطه ده ابلیسی داشلیان حاجیا
اورک گوزیله خدادن رضا گورن حاجیا
.
سلام او مسجد خیفین حیاطینی دولانان
قبور یتمیش امین انبیا گورن حاجیا
.
سلام او قوچ قوزی قربانلارین آخان قانینا
مناده لحظه ده مینلر فدا گورن حاجیا
.
سلام او حجّین ادا ایلیوب نمازی قیلان
اوزینی غرق دعا و ثنا گورن حاجیا
.
سلام او شهره کی پیغمبرین یاتان یریدی
سرشکی خون دله فاطمه قاتان یریدی
.
سلام او شهره که دین گلشنی سولان یریدی
علی ولیّ حقین قلبی قان اولان یریدی
.
سلام او شهره که زهرا ائوی یانان یریدی
حسن جنازه سی ظلمیله اوخلانان یریدی
.
سلام او شهره که غم غصه لی بقیع یریدی
فدا اولوم آدینا دورت متّقی یریدی
.
سلام او شهره که سلطان دین گزن یریدی
عزیز فاطمه مظلوم حسین گزن یریدی
.
سلام او شهره که سلطان دین گزن یریدی
عزیز فاطمه مظلوم حسین حسین گزن یریدی
.
سلام او شهره غم و غصه لر آلان یریدی
حسینی کرب و بلایه یولا سالان یریدی
.
سلام او کرب وبلانین دومان دوتان چولونه
فراتین اوسته ابوالفضلینون دوشن الینه
.
سلام او کرب و بلانین گوزل فدا لرینه
علی اکبرین القانه چولقانان تلینه
.
سلام او کرب و بلانین سیزیلدیانلارینا
حسینون اؤز یخیلان لخته قانلی مقتلینه
.
سلام او کرب و بلانین یانان چادرلارینا
اساس سیم و زری غارته گئدن گلینه
.
.
.
#زائر_کعبه #کعبه
#سلام_گرم_اولا_بیت_خدا_گورن_حاجیا
#امینی_خویی
#ترکی
.
#زبدةالاشعار
?: @nohe_torki