زبدةالاشعار

سلطانیدن اذن آلدی دعوایه علی اکبر #اکبریه

شجاعت حضرت علی اکبر علیه السلام
.
✍️ زبدة الاشعار ✍️

?: @nohe_torki
.
مرتضی اسکندری«ساعد»
.
.
سلطانیدن اذن آلدی دعوایه علی اکبر
تنگ ایلیه میدانی اعدایه علی اکبر
ایستور که باشون قاتسون غوغایه علی اکبر
قصدی بودی یول سالسون دریایه علی اکبر
اوّلده یوزون دوتدی سقایه علی اکبر

اوپدی اوزون اللردن آهسته قوجاقلاشدی
تاپشوردی سوسوز لاری سقایه اوزاقلاشدی
.
.
میدانه گیدور اما وار باشدا علی شوری
آفاقی ایدوب روشن عمامه سینون نوری
باشدان ایاقا بنذور پیغمبره منشوری
حیدردی گیدور گویا خوار ایلیه مزدوری
معناده آلوب دورین جنّ و ملک وحوری

اکبر قدم آتدوقجا سسلور بیبی سی جان جان
جان قارداشیمون اوغلی عمون بویوا قربان
.
.
عنقا کیمی پر آچدی زین اوسته سوار اولدی
اخیامیدن آهسته آهسته کنار اولدی
باشدان ایاقا مست دیدار نگار اولدی
بیر نحویله سان ویردی کفرین گوزی تار اولدی
میدانه گلن ضرب شصتینه دچار اولدی

لرزه دل اعدایه سالمشدی قیامندن
حوریلر آلوب سبقت مست اولماقا جامیندن
.
.
سسلندی منم لشگر قرآن مبین اوغلی
آئینه ی پیغمبر محمود امین اوغلی
جدیم اسداللهین آرام و متین اوغلی
نور دل زهرانون تابنده جبین اوغلی
سیز بنده شیطانسوز من حبل متین اوغلی

الله ئوزی شاهددی نی تک اسرم الآن
کیم چپ باخا سلطانه نسلین کسرم الآن
.
.
ای کوفه نون اوباشی مهمانه جفا ایتدوز
مُهرین یری آندوزدا تفسیر خطا ایتدوز
ساتدوز پولا وجدانی عقبانی فنا ایتدوز
پیغمبر اسلامون دوز قدینی تا ایتدوز
زهرانون عزیز اوغلون محکوم بلا ایتدوز

متن پیشنهادی:  معناده وار مه رجبون چوخ جلالتی #ماه_رجب_صحاف_تبریزی

اعلان ایلیون گلسون میدانه عمر سعدی
غرق ایلرم الساعه القانه عمر سعدی
.
.
سعد اوغلونا ال تاپسام بوینون دامارین قیرّام
هم خیمه و خرگاهین هم نعشینی یاندیرام
من آل علی حقون اول کافره آندیرّام
بیعت سوزونی سالسا دندانینی سیندیرّام
ری ملکون آلوب وعده من نامه سینی جیرّام

قویمام اویره چاتسون برنامه سی شیطانون
اوت باشینه یاغدیرّام ، اول ابله نادانون
.
.
خوش بیزده کی اقباله وای سیز ده کی تقدیره
توبه ایلیون قویمون فرصت گیده تأخیره
آلّانماز علی اوغلی سیم و زر و تزویره
روبه ده نه جرأت وار حمله ایله سون شیره
بیر بیر چکرم الآن اصلانلاری زنجیره

زهرا بالاسی باخماز تیپ و سپه و هنگه
اعلان ایلیون گلسون اصلانلاروزی جنگه
.
.
اکبر سسینی آلدی سعد اوغلی او اثناده
گوردی نه صلابت وار اول قامت رعناده
زین اوسته دوروب محکم شهزاده آزاده
چیخمور بیری وحشتدن پیشوازینه دعواده
آخرده یوزون دوتدی بکر ایوی برباده

گیت گور بو جوان کیمدور میداندا ویرور جولان
یا قولارینی باغلا یاکس باشینی عطشان
.
.
میدانه قَدم قویدی بکر ستم اندیشه
بیر الده ایتی شمشیر بیر الده کسر تیشه
بیر نحوی ویروب جولان ابلیس جفا پیشه
سالدی دل لیلای مظلومه نی تشویشه
غیظیله دیدی اکبر اول کافر بد کیشه

متن پیشنهادی:  من اربعینه دیلده محن گلمیشم حسین #اربعین_کریم_نصیری

من صاحب احسان و جود و کرم و فضلم
کشتی نجات اوغلی ، شاگرد ابالفضلم
.
.
شیرون سوزی روباه مکاره چتین گلدی
اوّلده رشید اوغلون رزمگهه گوندردی
فکرایتدی پلید اوغلی بوشیره برابردی
اوچ یول ایله دی حمله اکبر دالی قیتردی
توز یاتدی گوروب اعدا سعد اوغلونی بی سردی

سرباز صغیرونده میدانه روان ایتدی
اکبر ایکی اوغلوندا شمشیره نشان ایتدی
.
.
دوندردی یوز‌ون بکره تندیس رسول الله
سسلندی سنی ایتدیم بو واقعه دن آگاه
ئوز جانیوه فکر ایله اولما بوقدر گمراه
قالسون باتاران قانه گیت شاید اولان ذیجاه
یا گیت جانوی قورتار یا اول بولارا همراه

میلون وار اگر جنگه آماده ی پیکارم
سن مرهب دهر اولسون من حیدر کرارم
.
.
سن بنده ی شیطانسان من فُلک نجات اوغلی
سن شاخه ی بد بوسن من آب حیات اوغلی
سن منکر قرآنسان من صوم و صلاة اوغلی
سن تخم شقاوتسن من آب حیات اوغلی
حاشا سیزه یالوارسون فیض صلوات اوغلی

بیهوده خیال ایتمه قورخوب قاچارام ایندی
بیر بیر قولووی نهرون اوسته ساچارام ایندی
.
.
نوبت ویروب اوّلده بکره خلف حیدر
شمشیره تکان ویردی اول کافر بد اختر
فوراً سپرون دوتدی باش اوسته علی اکبر
اعدا بله فکر ایتدی دعوایه گلوب حیدر
صورتده پیمبردور ،صولتده آقام صفدر

متن پیشنهادی:  #مصائب_شام 2 #متن_روضه

بیر ضربه ی برق آسا بوینوندان اونون ووردی
گردن کش مزدورون بوینون دامارین قیردی
.
.
سعد اوغلی گوروب اکبر میداندا ویرور جولان
بیر بیر گله نی ایلور شیر اوغلی قانا غلطان
امر ایتدی هجوم ایتسون لشگر اونا دورت یاندان
بعضیسی ووروب خنجر بعضیسی آتوب پیکان
ازبس یارا وورموشدی گل پیکرینه عدوان

زین اوسته دورانموردی شهزاده ی مه سیما
دوشدی یره سسلندی گل هارداسان آی بابا
.
.
ای سید مظلومان مظلومه نظر ایله
باشیوه دونوم بیرده باشیمه گذرایله
غوغادی باشیم اوسته گل دفع خطرایله
راضی به قضایم من سن فکر قدر ایله
تک کلمه علمدارون عباسه خبر ایله

ای جان رسول الله گل جانیوه قربانم
درک ایله غریب اوغلون باشدان ایاقا قانم
.
.
ادرکنی سسون آلدی شاهنشه مظلومان
سسلندی باجی زینب دور باشیوه آل قرآن
آرام ایله قیزلاری اکبر یخلوب آتدان
بی عاطفه لر سالدی پیغمبریمی حالدان
بیر یاره ووروب منقذ یوخ یاره سینه درمان

سعد اوغلی گوروب بیر ایش قلبیم باشی اودلاندی
تمثال رسول الله میدانیده دوغراندی
.
.
#اکبریه_شجاعت
#سلطانیدن_اذن_آلدی_دعوایه_علی_اکبر
#ساعد_زنجانی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی