زبانحال حضرت علی (ع) در شهادت حضرت زهرا (س)
.
#زبدةالاشعار
.
: @nohe_torki
.
کربلایی #احمد_پوریا
.
سلطان قلب حیدر
نی تک نوالیم من
قلبیم داریخدی سنسیز
زهرا عزالیم من
.
.
سن دوقّوز ایل ایویمده دار ونداره دوزدون
سینه یارالی یاتدون مندن ولی ال اوزدون
برهم اولوب تفاقیم بزم وصالی پوزدون
بیرده منی دانیشدیر باشی بلالیم من
.
.
هر دم ایوه گلنده مسماره باخموشام من
گوز یاشیمی غمیلن رُخساره یاخموشام من
گوردوم قاپی یانوبدی باخدوقجا یانموشام من
سینم دولوب مُحندن قلبی یارالیم من
.
.
مین یول ئولوب دیریلدیم زهرا قاپی یاناندا
دشمن سنی وروردی اولدوزلاریم باخاندا
سقط اولدی محسن اوغلوم ثانی لگد وراندا
صد حیف سویلدیم کی قولاری باغلیم من
.
.
روحیم قوشی قفسدن بیزدن آرالی گیتدون
جان جان دیدون حسینه حیدر مارالی گیتدون
یانام ئولونجه زهرا سینه یارالی گیتدون
زینب دیر آناجان باشی قرالیم من
.
.
سن نیمه شب یارالی نمازیوی قیلردون
حسینیمه علاوه محبت ایلیردون
یواشجه آغلیاندا گوز یاشینی سیلردون
اورکده سسلنردون کرب و بلالیم من
.
.
حسن دیزین قوجاقلار کوچه آدی گلنده
سسلر آنا واریدیم سیلی سنه دینده
الله بیلور نه حاله قالدوخ سنیله منده
جاری اولوبدی یاشیم باران مثالیم من
.
.
ای ماه پاره زهرا ای سینه یاره زهرا
هیچ دویمادون حسیندن گیتدون مزاره زهرا
حیدر توکر دمادم اشکین عذاره زهرا
باخ بیر منه حیالی یار وفالیم من
.
.
.
عشقین بهاسی لای لای عمروم صفاسی لای لای
پیغمبره قوناقسان طاها بالاسی لای لای
ای مرتضا نگاری غم آشناسی لای لای
سن قبریده یاتوبسان سندن آرالیم من
.
.
هر دردمنده عشقون زهرا اولوب فریضه
(پوریا)سنه یازیبدی صدقیله بیر عریضه
ایستور شفا ویره سن عالمده هر مریضه
سویلر که نوحه خوانم گر لا اُبالیم من
.
.
#سبک_احوالیمیز_یاماندی … 10 سبک
.
#سبک_ای_اکبرین_مارالی
با اضافه کردن واگیر مناسب
((یا فاطمه ، ایوای یارالی زهرا
یا فاطمه ، ائلدن آرالی زهرا))
.
.
#فاطمیه_شهادت
#سلطان_قلب_حیدر_نی_تک_نوالیم_من
#ترکی
.
#زبدةالاشعار
.
: @nohe_torki
نظر دهید