خروج از مدینه
زبانحال حضرت صغری (س) با برادر
سوال و جواب
.
✍️ #زبدةالاشعار ✍️
.
🆔: @nohe_torki
.
مرحوم دخیل
.
/// زبانحال حضرت صغری///
.
سندن آتام ویروبدی منه بیر خبر علی
ئولّم یقین گلینجه منه بیر خبر علی
.
مژگانوی چوخ حسرتیله وورما بیربیره
اوخدان زیاده گوگلمه ایلر اثر علی
.
بو اودلی ناله لر قورودور جسم و جانیمی
امداد ایده مگر منه بو چشم تر على
.
بولمم نه وار دوشوب اورگیم چوخ دؤگونمگه
بلبل نجه قفسده چالار بال و پر علی
.
تیترتمه جانیمی گُتوروب بیلمم نه وار
گل یپراقی کیمی گنه جسمیم اسر على
قوی آغلیوم دویونجا داخی گورمرم سنی
هرچند آغلاماق منه ویرمز ثمر علی
.
قدّیم دوزلموری داخی بولدیم که دوغریدور
قارداش غمی باجی بِلینی تز اگر علی
.
.
///جواب حضرت علی اکبر (ع)///
.
///جناب علی اکبر گویابویوردی باجی صبرایله هیچ حبیب اوزمحبوبینی دنیاده دویونجا گورمیوب///
.
چوخ باخگلان بو سرو خرامانه فاطمه
گلمز داخی بو سرو بوستانه فاطمه
.
باجی الى تبرک اولور اوز الونله گل
بیر شانه ویر بو زلفی پریشانه فاطمه
.
بیلّم که کربلاده او باجیم سکینه نون
تیترر الى آلاندا اله شانه فاطمه
.
بو خاطره اولار که بو زلف معنبری
ظلمیله شمر دون باتورور قانه فاطمه
.
یعقوب آتام مدینه دی کنعان سن باجیم
ایتدون روان بو یوسفی زندانه فاطمه
.
گل بیرده اؤپ یوزومدن او یوسف کیمی باجی
اولماز قایتماقیم داخی کنعانه فاطمه
.
بیر جام سو گتور منه بیردم قوناقوام
ویرمزله کربلاده سو مهمانه فاطمه
.
قویما اوطاقیمی باسا توز چون خبر گلور
قارداشون ئولدی ایله عزاخانه فاطمه
.
ایتمه خضاب گیتمه طویا گیمه قرمزی
ساخلا عزا همیشه گل افغانه فاطمه
.
قرآنمی گتور اله هر جمعه آخشامی
گیت روضۀ پیمبر ذى شأنه فاطمه
.
ایله دعا که بلکه یتم تیز مردادیمه
قربان ایدوم بو جانیمی جانانه فاطمه
.
جدّیم خلیل تک اوز الیله آتام حسین
زینت ویره منیم کیمی قربانه فاطمه
.
یاسیمده آغلیانلارا قربان ویره منى
منده اولام شفیع جوانانه فاطمه
.
.
///جناب علی اکبر ایستدى ایاقه دورا او بیچاره خانم اللری تیتردى یاپوشدی جناب علی اکبرون اتگیندن عرض ایلدى قارداش اگرچه آیریلیق منی بی اختیار ایلیوب آرامیم کسلوب اما سندن ایکی التماسیم وار بیری بودور ایستورم بیرجه الین منیم باشیما قویاسان جناب علی اکبر مبارک الین او بیمارون باشنا قویوب اومعصومه عرض ایلدی:///
.
فلک ایدر منی سندن جدا خداحافظ
مریض جانیوه اکبر فدا خداحافظ
.
شکسته گوگلیمی عرضیم بودور اله آلاسان
منی آپارماقا بلکه من ئولمه میش گله سن
.
گلینجه سن منی تاپسا اگر اجل قارداش
قبول زحمت ایدوب قبریم اوسته گل قارداش
.
جناب علی اکبر حجره دن چخاندا اوبیمارخانم دیدی قارداش:
.
قیل تأمّل باشیوه بیرجه دولانیم یاعلی
تا بلاگردانون اولسون خسته جانیم یاعلی
.
مهربان قارداش گل آل بیرجه دیز اوسته باشیمی
اوز الونله گل یوزیمدن پاک ایله گوز یاشیمی
.
خلق ایچینده رسم اولوبدورهر جوان ایتسه سفر
دالیسیجا مهربان باجی اونا قربان کسر
.
منده قربان اولماقا قارداش بوگون چون شایقم
لیک نومیدم أوزیمدن ناخوشام نالایقم
.
آنام ئلوبدی که من غملره گرفتارم
ترحم ایت منه قارداش که صاحب آزارم
.
بو دل شکسته نی بوندان زیاده خوار ایتمه
آپار یائونجا على ناخوشام قویوب گیتمه
.
نه رسمدور نه مروّت نه رحمدور نه وفا
سنون دالونجا همیشه گوزوم قالا یولدا
.
.
.
.
.
#خروج_مدینه_دخیل
#سندن_آتام_ویروبدی_منه_بیر_خبر_علی
#ترکی
.
✍️ #زبدةالاشعار ✍️
.
🆔: @nohe_torki
نظر دهید