سنه یا فاطمه سلام اولسون #فاطمیه_واصف_مرندی

عرض ادب محضر حضرت زهرا (س)
.
✍️ زبدة الاشعار ✍️
.
🆔: @nohe_torki
.
احد ظهرابزاده (واصف مرندی)
.
سنه یا فاطمه سلام اولسون
آدیوا عرض و احترام اولسون
بیر عنایت ائله بو مجلسده
پاک آدین محور کلام اولسون
.
.
شأنیوی مدح ائدنده آگاهلار
باش اگر محضرینده ذی جاهالار
افتخار ایلیر بولن شاهلار
درگهینده قرا غلام اولسون
.
.
عصمتین زینت خلایقدی
مکتبین مکتب حقایقدی
سنه آیا فدک نه لایقدی
عرش و جنت سنه مقام اولسون
.
.
نَقَدر مدح ائدم آدین کمدی
واقع و قاطع و مسلَّمدی
هر اوغول کی سنین صودون امدی
گرک عالملره امام اولسون
.
.
دِینیوی واقعاً ادا ائلدین
بیت مولانی با صفا ائلدین
دونووی سائله عطا ائلدین
بخششینده هامی سهام اولسون
.
.
بونا خاطر بو یولدا شیعه گوزی
هیأتین بو دور شعاری سوزی
گله مهدی حکومت اوسته ئوزی
عصر صلح اولسون انسجام اولسون
.
.
اولسا انصافی کافر و گبرین
ثابت اولدی شهامت و صبرین
هنوز ایتگیندی تربتین قبرین
تا عمل حجتین تمام اولسون
.
.
من کیمم مدح ائدم مقامیندن
بخشش و بذل و احتشامیندن
غیرتیندن و یا قیامیندن
احسن احسن سنه مدام اولسون
.
.
منه ثابت اولوبدی بی پرده
یازمیشام هر کتاب و دفترده
دییرم افتخاری هر یرده
فاطمی ده گرگ مرام اولسون
.
.
بونی هر خطبه ده بویوردی علی
کیم سنین دانسا حقّیوی عملی
خادم کعبه اولسا بوشدی الی
اونا کوثر سویی حرام اولسون
.
.
حقّیوی دشمنین دانان گونلر
ظلمولن درگهین یانان گونلر
یعنی پهلولرین سینان گونلر
نجه یادان چخیب تمام اولسون
.
.
ظلم ناباور ائتدیلر اما
صبرین اتمامه یتدیلر اما
پوزوب اجلالی گتدیلر اما
نجه زینب غمینده رام اولسون
.
.
گول کیمین بسترینده سولموشدون
نیلی رخساریلن پوزولموشدون
وطنینده غریبه اولموشدون
نجه بو نیسگیله دوام اولسون
.
.
#فاطمیه_مدح
#فاطمیه_شهادت
#سنه_یا_فاطمه_سلام_اولسون
#واصف_مرندی
#ترکی
.
✍️ #زبدةالاشعار ✍️
.
🆔: @nohe_torki