زبانحال حضرت رباب (س) در مدینه
.
✍️ #زبدةالاشعار ✍️
.
🆔: @nohe_torki
.
قائم مشکینی
.
سولاندا هر گول اگر باغبانی یاندیراجاق
اوشاق دیل آچمامیش ئولسه آنانی یاندیراجاق
.
گولین فراقینه هر باغبان یانار نچه گون
گرکدی گول سولا بو روزگاریده کچه گون
.
نه ارزشینده گول اولسا مثالی آچمالیدی
او باغبانه تسلیدی مثله باخمالیدی
.
ولی ئولنده اوشاق گوز جهانه باغلیاجاق
مثالی یوخدی ننه جان ورینجن آغلیجاق
.
او علتیدی ربابه ملکلر آغلاردی
دینده اصغره لای لای ئورکلر آغلاردی
.
گون ایستیسینده دییردی سوسوز ئولن بالا وای
غروب اولاندا دییردی قانین ایچن بالا وای
.
یاتان زمانلاری بی کس حسینه آغلاردی
دوراندا بوش بشیگی اوخشیوب قوجاخلاردی
.
منیم بالام هله دیل اچمامیشدی بیر دانیشا
اقلی کوسمدی مندن گئدن زمان باریشا
.
نه قاچمادی قاباغمدا باخام رسا بویونا
نه سسلمزدی منی نقشه لر چکم طویونا
.
بو شهری ترک ائلینده گلوبدی دنیایه
جدال کرب بلاده گئدوبدی عقبایه
.
هایاندا رسمیدی بو شیر خواره اوخ ورالار
سو اوسته قان توکه لر کایناتی یاندیرالار
.
زمانه ده نه گناه ایلمیشدی نازلی بالام
دگنده اوخدا اونا دینممیشدی نازلی بالام
.
منه شماتت ائدسوز آز آغلا بسدی خانم
ندیم بس آغلامیوم اودلانوبدی غملی جانیم
.
بودور گلایوز اوشاقلار صود اممیور دوشدن
منیم سوسوز بالامی سالدی چرخ دون گوزدن
.
حیا ائدون منه خاطر گلایه باشلامیون
گلنده صود امری سینوز اوسته ساخلامیون
.
منیم بالام سوسوز ئولدی سو صحبتین دئمیون
نقدری اغلاسام آزدی گلایه ایلمیون
.
گون ایستیسینده گرک آغلیام کبابه دونم
اوزومده خیردا بالام تک گون ایستیسینده سونم
.
ئولونجه آغلیارام دردو نسگیلی چوخیدی
نه مشکیده سو واریدی دوشومده صود یوخیدی
.
اوقدر چالیخلادی اصغر ائدوبدی سینمی یاره
من ئولمدیم دیری قالدیم گئدم اونیلا مزاره
.
کسیلدی چاره یولوم بنده چکدیم اللرینی
قوتاردی تاب و توانیم گورنده گوزلرینی
.
باخوب باخوب منه غش ائتدی هوشیدن گتدی
او قدر چالخلادی اصغر خروشیدن گتدی
.
چوخ آغلادیم ولی افسوس اولا اویانمادی اصغر
قوجاقه آلدیم اونی سینه ده دایانمادی اصغر
.
الیم اوزولدی الیندن چاغوردوم عمه سی زینب
گلون گلون بالام ئولدی گئدوبدی هوشه بو کوکب
.
یغلدی عمه لری باشلانوب نوا بالاما
قورولدی ئولمه میشیندن قاباق عزا بالاما
.
ربابین حالینه اوندا حرملر آغلاردی
گون آغلیاردی یر آغلاردی گوئلر آغلاردی
.
بالام خیامیده ئولمیشدی اوخ بهانه ایدی
سوسوزدان ئولدی بالام بیلمورم که اوخ نه ایدی
.
من آغلارام بالاما غملی نوحه خوانی اولار
بالام زمانه ده آخر گل جهانی اولار
.
.
#اصغریه_شهادت
#سولاندا_هر_گول_اگر_باغبانی_یاندیراجاق
#ترکی
.
✍️ #زبدةالاشعار ✍️
.
🆔: @nohe_torki
نظر دهید