وداع امام حسین علیه السلام
گریز به زخمدار شدن امام (ع)
.
✍️ #زبدةالاشعار ✍️
.
🆔: @nohe_torki
.
مرحوم دخیل
.
سرکرده لر کناره دوشوب چون که شاهدن
چخدی کناره شاه اوزی حربگاهدن
.
وردی الینی بیر بیره سسلندی داد داد
بوش قالدی چون زمین ولا دادخواهدن
.
هل من معین صداسی سالوب رعشه گویلره
اولدی بلند چون او شه بی پناهدن
.
از بس ایدوب ظهور اثر ذلت خضوع
اُول مظهر خدا و رسول اکتناهدن
.
آز قالدی قهر اوزیله یدالله ال چکه
شان و جلال و سلطنت و عز و جاهدن
.
من نیلورم بو شأنی اگر کوه کوه اولا
اسگیک دوتار حسینیم اؤزی پرّ کاهدن
.
یالقیز گوروب حسینی عمر امرایدوب چخوب
فریاد طبل جنگ سپهره سپاهدن
.
مصری قلجلار اولدیلا عریان غلافدن
اوخلار چخوب هوانی دوتوب تیرگاهدن
.
مالک باشین قلجلادی عمّامه دوغرانوب
قان آخدی گچدی دیدۀ حیدر نگاهدن
.
باشدان آخاردی باشینه قان یاشی قانیله
زینب باخاردی خیمۀ عرش اشتباهدن
.
سسلندی گل باشون یاراسین باغلیوم حسین
اولما کنار بو علوی بی پناهدن
.
باغلاتدی باشینی که قالا قان کسنده شمر
قان چوخ گیده اوتانمیه اول روسیاهدن
.
پرّان بیر اوخ یتیشدی گچوب صدر سینه دن
قدّ بلندی اولدی کمان تیر آهدن
.
الله دیوب یخلدی یره نخل طور تک
الله سسی گلوب خس و خاک و گیاهدن
.
باشی آچیلدی واردی یری شیعه لر باشی
عریان اولا عمامه و تاج و کلاهدن
.
باشین کسنده بولدی شفاعتدن أُتری دور
باک ایلمزدی شمر او مسلّم گناهدن
.
باشی جداده باشلادی قرآن باخوب حرم
دولدی زمانه زمزمۀ یا الاهدن
.
خورشید آسمان ولایت علی قزی
زینب چخاندا باشی آچوخ خیمه گاهدن
.
آی چخدی گون دوتولدی که تا گون گورونمه سین
ظلمت یتوب کسیلدی ایشیق مهر و ماهدن
.
خیمه یانوب سویولدی حرم دوره نی آلوب
دشمن بوشالدی یر یوزی چون خیر خواهدن
.
عریان دوه اسیر حرم چون باخوب عمر
أمر ایلدی قطاری چکون قتلگاهدن
.
بو نظم لر نظامیله حشره گلور «دخیل»
منت قبول ایلمه اوزگه گواهیدن
.
یاز مرثیه همیشه دوامیله دوت عزا
خوف ائتمه چوخدا معصیت گاه گاهیدن
.
.
.
#حسینیه_دخیل
#حسینیه_وداع #حسینیه_شهادت
#سرکرده_لر_کناره_دوشوب_چون_که_شاهدن
#ترکی
.
✍️ #زبدةالاشعار ✍️
.
🆔: @nohe_torki
نظر دهید