سو مشکیمی بو قوم ایدوب بهانه قارداش #عباسیه_صافی_تبریزی

استمداد قمربنی هاشم از حضرت سیدالشهداء(ع)
..
..
..
..
مرحوم صافی تبریزی
..
..
..
..
سو مشگیمی بو قوم ایدوب بهانه قارداش
خدنگ ظلمه اولموشام نشانه قارداش
..
..
..
..
سالوب بو قوم سنگدل منی نفسدن
یاوقلاشوبدی آیریلا صدا جرسدن
بو مرغ روحیم ایستری چخا قفسدن
ز بسکه تنگ اولوبدی آشیانه قارداش
..
..
..
..
نظرده هر زمان اولور ئولوم مجّسم
دوشوبدی قوللاریم اولوب علم قدیم خم
یخلمشام عقابدن علمله باهم
گوزیمی تیکمیشم او آستانه قارداش
..
..
..
..
یریندن اوینادی قوشون تمام صفلر
آلوب آرایه بیر منی بو قدر لشگر
او شاهبازم آچمشام خدنگیله پر
که اوج وحدته اولام روانه قارداش
..
..
..
..
گلیدون آخر عمریده یوزون گوریدیم
او جلوۀ جمالوی گوروب ئولیدیم
قدملریوه یوز قویوب الون اؤپیدیم
یتم نولور بو عزّت و بو شأنه قارداش
..
..
..
..
یارالی آهو تک گلن خدنگه رامم
اگر چه ساقی ام ولی شکسته جامم
پیمبر اوغلیسان سنه اوزوم غلامم
آنام کنیزدور بو دودمانه قارداش
..
..
..
..
اگر چه پیکریمده چوخ جراحتیم وار
ویرینجه تشنه جان گینه حمایتیم وار
سو اولمادی رقیّه دن خجالتیم وار
گرک گلم بو باره ده فغانه قارداش
..
..
..
..
گل ای بو چولده هر سنق گوگل پناهی
امیدسیز قالانلارین امیدگاهی
یوخومدی ال دورام دوتام رکاب شاهی
دولوبدی قان بو چشم خونفشانه قارداش
..
..
..
..
آلان شکسته قلبدن قرار و طاقت
نه تشنه لقدی نه یارا نه درد غربت
همین بودور عدو تاپار سنه جسارت
تمام انتظار دور بو آنه قارداش
..
..
..
..
اگر چه غم یتر سنه بو نسگلیمدن
باشیم سنوب ویریلمشام اخا بلیمدن
مبارک آدووی سالام چنین دلیمدن
ئولونجه مشقدور بو خوش ترانه قارداش
..
..
..
..
چوخ ایسترم گلنده سن دلیم اولیدی
دوروب اوتورماقا نولور بیلیم اولیدی
یتنده باشیم اوسته کاش الیم اولیدی
یتیدی تا او دامن امانه قارداش
..
..
..
..
اگرچه چوخ ایدوب خطا بو صاف «صافی»
نبوت و امامته وار اعترافی
خلوص قلبیله اولور بو بیت کافی
سومشگیمی بو قوم ایدوب بهانه قادارش
..
..
..
..
#عباسیه #صافی_تبریزی #عباسیه_شهادت #ترکی #زبدةالاشعار