مجلس ولید
.
✍️ #زبدةالاشعار ✍️
.
🆔: @nohe_torki
.
مرحوم دخیل
.
گیدوب او بزمه او شه آفتاب خاور تک
دوروب قاپودا جوانلار نجوم اختر تک
.
اوتوردی صدریده خشمیله گوزلری قزاروب
الینده قائمۀ ذوالفقار حیدر تک
.
صاق و صولونا باخوب رسمیله تعارف ایدوب
وقار عزّت و تمکینله پیمبر تک
.
ایدوب صلابتی اعیان مجلسی مبهوت
حضور شهده مقصّر غلام و چاکر تک
.
گوروب چو مجلسی ساکت آچوب فصیح دلین
توکوب لآلیِ تعریفی درّ و گوهر تک
.
ایدوب خطاب ولیده ندندی ساکت سن
دانشموسان باخوسان هیکل مصوّر تک
.
گتورمسوز نیه بو مجلس نفاقه منی
قرا بولود آراسندا مهِ منوّر تک
.
ویروب جواب ولید ای جمالی باقی حق
گیدوبدی معاویه دار فنایه صرصر تک
.
اوزی اود ایچره ولیکن جهانی اودلاماقا
قویوبدی اوغلونی خاکستر ایچره مجمر تک
.
ایدوبدی بیعت ایچون شامی مجمع اعیان
گلوبدی جنبشه اهل جهان محشر تک
.
همین بو باره ده بیر نامه ای یازوبدی یزید
سواد نامۀ اعمال قوم کافر تک
.
ایدوب مطالعه اُول نامه نی امام علیم
سارالدی رنگی قزاردی اودا گیرن زر تک
.
گوروب یازوبلا گرگ یاحسین بیعت ایده
و یا باشی گیده شامه مهِ منوّر تک
.
گرک جوانلارینون نخل و قدّ رعناسی
قوری یر اوسته دوشه سرو یا صنوبر تک
.
گوزی باخا باخا قارداشلارینی دوغریالار
سنان و تیغیله عبّاس و عون و جعفر تک
.
گوزی یوزینده گرک بیر جوان سوسوز ویره جان
جمالی جدّینه بنذر علی اکبر تک
.
سو ایستینده گرکدور ال اوسته اوخلیالار
الینده صود امر اوغلون علی اصغر تک
.
گرک حجاز وفا شاهبازی عبّاسون
ایکی قولون سالالار ظلم الیله شهپر تک
.
گرک اسیر اولالار بانوان ملک حجاز
فرنگ و دیلم و تاتار و روم بربر تک
.
گرکدی مسجد ویراندا آلتی آی قالالار
ورق ورق هامی قرآنی حقّ داور تک
.
گرک رقیّه او ویرانه ده قوری یرده
آتا دیه ویره جان بیر غریب دختر تک
.
گرک همیشه اونا شیعه لر عزا دوتالار
یانا دخیل عزا مجلسنده مجمر تک
.
.
ثم اقبل على الولید فقال یاایها الأمیراناأهل بیت النبوة ومعدن الرسالة ومختلف الملائکة ونحنُ اعلام الدین و بناء الدین بنافتح الله وبناختم الله و یزید رجل فاسق شارب الخمر معلن بالنفس مثلی لاینابیع مثله ولکن یصبح ونصیحون تنظر وتنظرون ایت احسن
.
حضرت ولیده بویوردی: ای ولید بدرستیکه بیز اهل بیت نبوت و معدن رسالتوق و محل رجوع ملایکه بیزیلن، الله ابتدا ایلیوبدور و بیزیله الله ختم ایلیه جکدور و یزید بیرکیشی دور فاسق و شرابخوار و من جدّیمدن ایشتمشم که خلافت آل سفیانه حرامدور منیم کیمی شخص یزید کیمی شخصه بیعت ایلمز ولیکن بیزده باخاروق سیزده باخون و باخارسوز گوراق کیم بیزلردن خلافته سزاوار دور.
اما به روایت لوامع الانوار فرزند حیدر کرار و نوردیده احمدمختار برگزیده کردگار قهار الّی نفر اعوان و انصاریلن ولیدون مجلسنه داخل اولوب کمال جلالیله ولید و اهل مجلس نسبت حضرته نهایت تعظیم و تکریم ایلدیلر اوحضرت تخت اوسته قرار دوتوب معاویه نون وفاتین یزیدون بیعتین اظهارایلدیلر حضرت بویوردی بو گجه فکرایلیوم و صباح او که صلاحدور ایلیه جاقام مروان بی ایمان نچه دفعه اشاره ایلدی که امام حسینی دوت، ولید اعتنا ایلمدی مروان آخرده سسین اوجالتدی که ابن شهرآشوب یازار مروان غدّار قلجین چکوب ولیده دیدی جلادّه حکم ایله همین بو مجلسده بو کیشی نون بوینون وورسون اگر امام حسین بوردان چخا هرگز یزیده بیعت ایلمز صاحب لوامع الانوار یازار جناب سیدالشهدا بیتاب اولوب بیرمیز کرسی قویموشدیلار حضرت او میزی گوتوروب مروانه طرف آتوب مروان قاچوب کرسی دگدی دیواره سنوب حضرت بویوردی:
.
منی نجه دوتوسوز ئولمیوب بنی هاشم
منی نجه دوتوسوز واردی آلتی قارداشیم
.
منی نجه دوتوسوز ای گروه بداختر
هنوز وار کومکیم ئولمیوب علی اکبر
.
جناب علی اکبر بنا ایلدی عموسنون باشینا دولانماقا عمو بابامون سسی گلور
جناب قاسم یوزن قویدی جناب عباسون ایاقلارینا عرض ایلدی عموعباس حجت الله عمومون سسی گلور
جناب عباس گویا بویوردی صبرایلیون گوروم ولی خدا حجت الله منیم آدیمی ذکرایلر یا نه
کانه گوردیلر جناب سیدالشهدا علیه السلامون سسی گلور
.
منی نجه دوتوسوز ای گروه بدکردار
مگر کومکسیزم عبّاس مثلی آرخام وار
.
جهانی دشمن اگر دولدورا یوخومدی هراس
آتام علی کیمی وار قارداشیم رشید عبّاس
.
ابی مخنف یازار حضرتون سسی اوجالاندا قارداشلاری و جوانان بنی هاشم قاپونی سندروب مجلسه داخل اولدیلار
اوّل کسی که مجلسه داخل اولوب جناب عباس الینده عریان قلج اوزون یتوردی حضرتون حضورینه حضرت گوردی که جناب عباس چوخ غضبلنوب کانه آقاسی حیدر تک حضرت بویوردی قارداش:
.
شیرخدا باباندور ذاتونده چوخ هنر وار
چکمه قلج قباقدا بیر قورخولی سفر وار
.
اولاد هاشم ایچره نورانی آی یوزوندور
گوسترمه گوز وورالارچوخ قولّارون اوزوندور
.
الینده مشک قباقدا قزیم که چون دوراجاق
فدا او اللره سو اوسته چوخ قلج ووراجاق
.
بو اللرون سالولّارغم آتشینه یانّام
ال قولتوقمدا قارداش یالقوز چولی دولّانام
.
اووقته ویر سسیمه سس که باد ظلم اسر
یخار یره باشمی شمر تشنه کام کسر
.
تشنه قیزیم سکینه فریاد آه ایدنده
هر نه شجاعتون وار گوستر سویا گیدنده
.
یاپوشدی شاه جگر تشنه اکبرون قولینه
اوغول قلنجوی سن ساخلا کربلا چولینه
.
قربان اولوم بویوا ای سرو گلستانیم
دنیاده حسرتیم یوخ وار سن کیمی جوانیم
.
یوخومدی غم که هجوم ایتسه دشمن غدّار
کمک دینده کمک سن کیمی جوانیم وار
.
بیر آرزو واریمدور قویسا فلک جفاسی
من ئولمه میش گوریدیم اگنونده طوی لباسی
.
بو حسرتیم واریدی گل یته بوداقینه
دوتوب الین آپاریدوم گلین اطاقینه
.
گل ای گل حسنون حسنده نشانی اوغول
بو گلمگون یادیما سالدی مجتبانی اوغول
.
آتان حسن یرینه تیز گلمسون هرایه
شهر مدینه اوخشار میدان کربلایه
.
بو خدمتون عوضون کربلاده من بلّم
عمو عمو چاغیراندا هرایه من گلّم
.
ولید مجلسنده حضرتون سسی اوجالاندا جوانان بنی هاشم حضرتون قارداشلاری کلا
اللرینده عریان قلج مجلسه داخل اولوبلار با وجود اینکه او مجلسده بغیر از مروان و ولید او مظلوم آقایه دشمن یوخیدی پس بولمورم جوانان بنی هاشم روز عاشورا گونی ظهر وقتی هاردا قالمشدیلار که امام حسینی دشمن آلمشدی آرالیقا خلاصه مفید علیه الرحمه یازار
جناب امام حسین(ع) ولیده بویوردی:
.
یزید بیعتنی ایتمرم قبول اگر
که پاره پاره اولا باوفا علی اکبر
.
اگر قبول ایلسم من یزید بیعتنی
نجه شفاعت ایدوم جدّیمون من أمّتنی
.
.
#مجلس_ولید #دخیل
#گیدوب_او_بزمه_او_شه_آفتاب_خاور_تک
#ترکی
.
✍️ #زبدةالاشعار ✍️
.
🆔: @nohe_torki
نظر دهید