سو یرینه قان ایچن مظلوم علی اصغر منم #اصغریه_محبی_مراغه_ای

زبانحال حضرت علی اصغر علیه السلام
..
..
..
..
حاج عطوف کتابچی (محبی مراغه ای)
..
..
..
..
سو یرینه قان ایچن مظلوم علی اصغر منم
حقی اثبات ایلین مظلوم علی اصغر منم
..
..
..
..
أولمادی بیر جام سو سوز عطشدن دینجلم
گتدی میدانه بابام دشمن گوره پژمرده ام
سو ویره بلکه منی سیراب ایده اهل ستم
اولمادی بیر سو ویرن مظلوم علی اصغر منم
..
..
..
..
حرمله ووردی بوغازیمدن منیم اوچ شعبه اوخ
ایلدی اول اوخ منی آزرده و افسرده چوخ
قالدی نه حاله بابام کشف ایتمرم حالین آچوخ
گوگلره قانی گیدن مظلوم علی اصغر منم
..
..
..
..
گیتدی روحیم جنّته موج ایلدی غملر داشوب
قانلو جسمی گوردولر آل پیمبر آغلاشوب
قالدی بیر حاله بابام هر غملرین دلدن آتوب
حق یولین روشن ایدن مظلوم علی اصغر منم
..
..
..
..
اولمادی قسمت آنام رخسارینی بیرده گورم
دلده کی نسگل لریندن چوخ پریشان خاطرم
درگه حقدن اونا صبر و تسلی ایسترم
چوخ گورن درد و محن مظلوم علی اصغر منم
..
..
..
..
نور چشم شاه دینم گوهر پر قیمتم
شور عاشورای خونینم نمای نهضتم
سینۀ اهل عزایه بیر مدال عزّتم
بلبل شیرین سخن مظلوم علی اصغر منم
..
..
..
..
غملریمده آغلاسا هر کیم منه دوتسا عزا
مشکلاتی اولسا ایلر ذات حق حاجت روا
چون منی باب الحوائج ایلیوب ذات خدا
مشکلاتی حل ایدن مظلوم علی اصغر منم
..
..
..
..
ایسته دی «خسروشهی» چون بیر بئله نظم سخن
ثبت دفتر ایلدی تا که «محبی» نظملن
اصغره خاطر ایدر خلّاق اوزی دفع محن
تشنه لب جان بذل ایدن مظلوم علی اصغر منم
..
..
..
..
#اصغریه #محبی_مراغه_ای #اصغریه_شهادت #ترکی #زبدةالاشعار