زبدةالاشعار

شقُّ القمر آثار قیامت دور الهی #حیدریه_کهنمویی #رجایی_تبریزی

شهادت حضرت امیر المؤمنین علیه السلام
.
✍️ #زبدةالاشعار ✍️
.
🆔: @nohe_torki
.
#سبک_ای_باد_صبا … 7 سبک
.
مرحومین سید حسین رجایی و سید حسین کهنمویی ( ریاضی تبریزی )
.
شقُّ القمر آثار قیامت دور الهی
یا محشر زینبدن علامت دور الهی
.
.
سس دوشدی که محرابیده بیر باش یارالاندی
بو سس اوجالان وقته یاتانلاردا اویاندی
ایوای علی وای ناله سی افلاکه دایاندی
نه حادثه دور بو نه حکایت دور الهی
.
.
ضربت یتوشوب پارچالانوب باشدا عمامه
بو نحویله اوز مقصدینه یتدی قطامه
بیر امر زنا اولدی سبب قتل امامه
بولمم بو نه اسلام و دیانت دور الهی
.
.
بیر خواهش نفسیله یخوب خانه ی دینی
غمگین ایلدی اهل سماوات و زمینی
حتماً یوخوموش عاقبت امره یقینی
یوخسا بو نه جرأت نه جسارت دورالهی
.
.
هر کیمسه یقین ایلیه قرآن و کتابی
خیرین بیله وار خوش ثمری شرین عذابی
ممکن دگی یاددان چخادا یوم حسابی
غفرانه سبب بولسه اطاعت دورالهی
.
.
گر اولسا بیرینده عمل خیر و اطاعت
تبلیغ ایدراحکامی اولور شغلی عبادت
باک ایتمز ئولومدن ئولومی ایلر اجابت
مصداق عمل شاه ولایت دورالهی
.
.
بسکه واریدی وصلت دلداره شتابی
یاددان چخادوب یاره ده کی سوز و گدازی
گوتدی باشونون پاره سینه باسدی ترابی
یعنی دیریلوخ بوندان عبارتدور الهی
.
.
فرمان یتوشوب عرشیده جبریل امینه
گیت بو خبری نشر ایله سکّان زمینه
صدمه یتوب ارکان هدی مرکز دینه
بو ظلمت او ضربتدن اشارتدور الهی
.
.
افلاکه دوشوب لرزه همان بو خبریله
آی صورتی مستورودی ابر خطریله
ظلمت دوتوب آفاقی بو شقّ القمریله
چون منهدم ارکان هدایتدورالهی
.
.
سس چرخ چهارمده مسیحایه یتوشدی
محنت اثری قبریده زهرایه یتوشدی
ناگه بو خبر زینب کبرایه یتوشدی
اولدی متوحّش نه روایتدور الهی
.
.
یا رب نه خبر دور بو نه فریاد و فغاندی
نه سوزدی دیوللر که علی قانه بویاندی
زینب بولوسن اوز آتاسندان نگراندی
بولمور که ئولوب یا که سلامتدورالهی
.
.
ناگه گوزونه اولدی او ساعتده نمایان
گوردی گتوروللر آتاسین قانیله الوان
عرض ایتدی بو محنت منی چوخ ایتدی پریشان
هرچند مصیبت بیزه عادتدورالهی
.
.
صدمه یتوشوب گرچه آتام شیر خدایه
یوخ چاره گرک صبر ایلیم امر قضایه
من آغلاماقی ساخلاموشام کربُ بلایه
گوز یاشینه زینبده او ساعتدور الهی
.
.
اوندا که گچر قارداشیمون باشی جدایه
غم یوز ویرر اولاد علی آل عبایه
گللوخ هامی میز شیونیله شور و نوایه
گورروخ که حسین خیمه سی غارتدورالهی
.
.
بو سوزده ایکی #سیدحسین ایلدی شرکت
ایستوردی #ریاضی و #رجایی ایده خدمت
بو خیر عمله ویردیله باهم سر و صورت
منظور شفاعتدی زیارتدور الهی
.
.
.
.
#حیدریه_شهادت
#شق_القمر_آثار_قیامت_دور_الهی
#ریاضی_تبریزی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  بو کربلادی باجی چوخ بلاسی وار بو یرون #ورود_کربلا_عاصی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی