کوچ از قتلگاه
.
✍️ زبدة الاشعار ✍️
.
🆔: @nohe_torki
.
#سبک_کربلا_منتظر_ماست
#سبک_شهریاریمسن_آقا
#سبک_یارالی_جان_یارالی و …
.
مرحوم مضطر اردبیلی
.
سينوون ياره سى گلمز سانا کيمسن يارالى
بويانان باشدان اياقه قانا کيمسن يارالى
.
.
قارداشيمسان نيه بس باجووى دينديرميوسن
کيم کسوب اللروى هيچ منه بيلديرميوسن
مينديرن يوخدى منى ناقيه مينديرميوسن
چکيلوبسن نيه بيزدن يانا کيمسن يارالى
.
.
باجى بيچاره گرک دردينى قارداشه ديه
مهربان قارداش اونون دردينه درمان ائليه
يوزى اوستنده ياتوبسان بله حاليله نيه
گوره زينب اورگى اودلانا کيمسن يارالى
.
.
يوخسا باشون بله ياتماقده دالدان کسيلوب
بله معلوم اولى باشون سنون عطشان کسيلوب
هانسى ميناده سوسوز سن کيمى قربان کسيلوب
چوخ غمون وار بو غمون بير يانا کيمسن يارالى
.
.
قورى تپراقلارين اوستونده قالوبدور بدنون
خس و خاشاک بيابان اولوبدور کفنون
نقدر ظلم ائدوب حقونده بو عدوان سنون
بير نفر حالووه يوخدور يانا کيمسن يارالى
.
.
سن حسينيم سن اگر تز منه دردون اله فاش
هانى بارماقون او انگشترون آخر هانى باش
کيم گوروبدور ائده لر جسمى بو نوعى متلاش
نيزه و خنجريلن دوغرانا کيمسن يارالى
.
.
بيرجه ديندير منى سن باغريمى قان ائتمه دانش
مندن اسراروى هچ وقتده نهان ائتمه دانش
گئدورم گئتمه ليه م چوخ نگران اولما دانش
گئده بلمم نگران بير يانا کيمسن يارالى
.
.
قورخوسان نعشوون اوستونده بو خواهر باش آچا
قويميوبلار قالا بو باجوه معجر باش آچا
قارداشى ئولدى گرک خواهر مضطر باش آچا
باش آچا باجى گرک باش يولا کيمسن يارالى
.
.
سن حسينيم سن اگر عرض ائليوم مطلبيمى
روزگار ايلدى تيره او ايشيق کوکبيمى
آلديلار معجر و گوشواره و چادر شبيمى
دوشموشم گور نجه حالدان حالا کيمسن يارالى
.
.
اولى چوخ يانديريجى اودلارين هر يرده کوزى
کوز اودون مثلى دى تحويل آلا هر قلب سوزى
“مضطر” اول سوز بودى اوخشار باجى قارداشى ئوزى
سينوون ياره سى گلمز سانا کيمسن يارالى
.
.
.
#کوچ_کربلا #مضطر_اردبیلی
#سينوون_ياره_سى_گلمز_سانا_کيمسن_يارالى
#ترکی
.
✍️ #زبدةالاشعار ✍️
.
🆔: @nohe_torki
نظر دهید