سیندی عمودیلن باشیم امداده گل قارداش حسین

استمداد حضرت ابوالفضل العباس علیه السلام
.
✍️ زبدة الاشعار ✍️
.
🆔: @nohe_torki
.
کربلایی فخرالدین اسکندری« #جائد_زنجانی »
.
.
سیندی عمودیلن باشیم امداده گل قارداش حسین
القانه دوندی گوز یاشیم امداده گل قارداش حسین
.
.
.
ظلمیله گل حیدر ئوپن اللرقلم اولدی حسین
اوخ پرچ اولوبدی گوزلریم القانیله دولدی حسین
عمریم گولی ویرمیش خزان پرپراولوب سولدی حسین
یاسیم دوتولدی جنت اعلاده گل قارداش حسین
.
.
یالقوزلیوب اعدا منی یالقوز حسین گل دادیمه
باش ویرمرم جلاده من سن گلمه سون امدادیمه
تیز گل گلوب زهرا ننم میدانیده فریادیمه
دیدار دیگر ئوز ویرر عقباده گل قارداش حسین
.
.
جان اوستیم گوزلر سنی گوزلر اماندور گل اخا
صاق گوز سوزولدی صول گوزوم بیر پارچا قاندور گل اخا
مشک اوخلانوب پرچم یاتور حالیم یاماندور گل اخا
دشمن تاپوب ال شیریوه هیجاده گل قارداش حسین
.
.
قرآنه قربان ایله دیم بیرگوز ایکی قول قارداشیم
حق القدم دوشدی یولون اوستونده صاق صول قارداشیم
بیماریوم گل بو سینان باشه طبیب اول قارداشیم
سنسن امیدیم هرایکی دنیاده گل قارداش حسین
.
.
باش یاره دور قوللار قلم یورقون یارالی خستیم
داده یتیش ای شافع عقبا حسین جان اوستیم
عالمده قارداش عشقیوه تنها سنون وابستیم
یوخ غیر عشقون سینۀ سیناده گل قارداش حسین
.
.
سوقولی ویرمیشدیم گلن وقته سوسوز جیرانلارا
شرمندیم یوخدور سویوم تاپایلیام ریحانلارا
تشنه سوسوز سقا سوزی تحریر اولار دستانلارا
شرمندیم نقص اولدی گر ایفاده کل قارداش حسین
.
.
اوچ شعبه اوخ قارداش گوروم هیچ بیر گوز اوستن دگمه سین
ناچار اولوب یا زانوا نیلن بیری اوخ چکمه سین
والله چتین دور مرحله سعی ایله زینب بیلمه سون
احوالیمه قان آغلیور زهراده گل قارداش حسین
.
.
هیچ کس جهاندا من قالان احواله قارداش قالماسین
هیچ پهلوانی قوم کین آتدان یوز اوسته سالماسین
یا دوشسه ده پا در رکاب هیچ قهرمانی قالماسین
دوشدوم یوز اوسته پهنۀ صحراده گل قارداش حسین
.
.
«ثاقب»یازار احوالیمی قارداش ملول آغلار ئوزی
گویا توگوبلر خرمن جانه یانار سوزان کوزی
آچموش گدا تک اللرین درگاهیوه واردور سوزی
سویلر شها امدادیمه محشرده گل قارداش حسین
.
.
.
#سبک_ای_شاه_مظلومان_حسین (5 سبک متفاوت سینه و زنجیر و … )
.
.
#عباسیه_شهادت
#سیندی_عمودیلن_باشیم_امداده_گل_قارداش_حسین
#ترکی
.
✍️ #زبدةالاشعار ✍️
.
🆔: @nohe_torki