اربعین
.
✍️ زبدة الاشعار ✍️
?: @nohe_torki
.
حاج علی پور علی(جاهد)
.
سینه داغلیور سنه
عرش کبریا حسین
پاره پاره پیکره
زینبین فدا حسین
جان یارالی یا حسین (2)
.
قویمادی عدو یوزه اشگ سیلی باغلیام
قتلگهده اوخشیام یا کی سینه داغلیام
ایندی گلمیشم سنه بیر دویونجا آغلیام
گوز یاشیملا سو سپم قبر پاک یاحسین
جان یارالی یا حسین (2)
.
گوردی زینبین سنی قوملار اوسته بیکفن
لرزه تاپدی تیتردی روح عشق و جان و تن
اوندا بیلمیرم باجون زینب ئولمدی ندن
کاش ئولیدی زینبین اوردا بر ملا حسین
جان یارالی یا حسین (2)
.
خسته جان مسافرم جان یارالی قارداشیم
غملی شهر کوفده چوخ بلا چکیب باشیم
داش دگنده باشیوه قانه دوندی گوز یاشیم
منده باش یاریب سنه ائتدیم اقتدا حسین
جان یارالی یا حسین (2)
.
ای طریق عشقده رهنماسی زینبین
غسلی قان وضوسی قان حق فداسی زینبین
نوک نیده حق دیین مقتداسی زینبین
مرحبا دئدی سنه فوج انبیا حسین
جان یارالی یا حسین (2)
.
قبریوین توزون سیلیم کیپریگیمله قوی اخا
ایلییم همین توزی گوزلریمه توتیا
نور آلا بو گردینن گوزلریم ایشیقلانا
نور عشقدن تاپام دردیمه دوا حسین
جان یارالی یا حسین (2)
.
#سبک_مسلمون_شهادتی ( 4 سبک سینه زنی و زنجیر )
.
#اربعین
#سینه_داغلیور_سنه_عرش_کبریا_حسین
#جاهد
#ترکی
.
✍️ #زبدةالاشعار ✍️
?: @nohe_torki
نظر دهید