نصایح و گریز به عشق امام حسین (ع)
.
✍️ #زبدةالاشعار ✍️
.
🆔: @nohe_torki
.
مرحوم تائب تبریزی
.
سینه ده دشمنله صلح ایتسن صفا پیدا اولار
داش اوتیله نرم اگر اولسا دونر مینا اولار
.
یاریله هم صحبت اولماق دولت جانبخشدور
ای خوشا بیر عاشقه معشوقیله تنها اولار
.
خودنمالیقدان گوتور ال غرق بحر رحمت اول
گر اؤزوندن قطره ال چکسه دونر دریا اولار
.
پرتو خال نگاریم گوزلری خیره ایدر
ذرّه کوی دلبریمده شمس نور افزا اولار
.
جاهلانه سوز دیَنلردن خطا چوخ باش ویرر
اوخ کماندان ایری قورتولسا اگر رسوا اولار
.
حیرت دیدار اولان یرلرده یوخ صوت وصدا
بولمورم آئینه ده طوطی ندن گویا اولار
.
بیر یومورتا اوسته مرغ خانه مین فریاد ایدر
ساکت و سس سیز صدف گنجینۀ دریا اولار
.
هرکسی سالسان ایاقدان گر هوای نفسیله
طی راهوندا سنه سنگ ره صحرا اولار
.
پرده ده گیزلین اوتورماق لیق سزادور عورته
مرد گیزلنمر قرانلیق پرده ده پیدا اولار
.
آل حسین ابن علیدن درس عشق و عاشقی
عشق یاره کیم حسین تک عاشق شیدا اولار
.
نقد جان الده گلوب بازار عشقه سویلدی
عشق بازارینده نقد جانیله سودا اولار
.
مال و جانین عشق جانانه فدا ایتدی حسین
نه بیله عاشق گلر دنیایه نه پیدا اولار
.
قزلاریندان دویمادی آیریلدی گتدی سویلدی
عشق اولان یرده فنا دنیا و مافیها اولار
.
اولمیوب اولماز ایکی مهره مکان بیر قلبده
بیر اورک بیر مهر ایچون بیر عشق ایچون مأوا اولار
.
هم خدانی ایستوسن تائب همی خرمانی سن
یا اولار مطلق خدا یا صحبت خرما اولار
.
.
.
.
.
#پندیات_تائب_تبریزی
#حسینیه_حسینیه_مدح
#سینه_ده_دشمنله_صلح_ایتسن_صفا_پیدا_اولار
#ترکی
.
✍️ #زبدةالاشعار ✍️
.
🆔: @nohe_torki
نظر دهید