زبدةالاشعار

شاه شهدا نیزه ده قرآن اوخیاندا

کوفه
.
✍️ زبدة الاشعار ✍️
?: @nohe_torki
.
مرحوم میرزا ستار ذاکر اردبیلی
.
.
شاه شهدا نیزه ده قرآن اوخیاندا
کوفیلر هامی قالدیلار حیران اوخیاندا
.
.
گوردیلر اولور گوزلرینون قان یاشی جاری
هردم کی باخور قافلۀ محنته ساری
ایستور گوره نیلور او بلاکش بالالاری
اطفاله نظر ایلدی هر آن اوخیاندا
.
.
قالدی هامی اعجابیده کی ای حق سبحان
آیا یارالی باشدا اوخور نیزه ده قرآن
گه آیۀ قرآن اوخور ایلور گهی افغان
مخلوقی ائدور ناله سی بیجان اوخیاندا
.
.
بو حالی او سرورده گوروب ملت ترسا
حیرتده قالوب ایلدیلر بیربیره نجوا
عیسادی بو موسادی بو یا حضرت یحیا
بو کیمدی کی بی روح اولور انسان اوخیاندا
.
.
یوخ یوخ بو نه عیسادی نه موسی نه ده یحیا
یحیانون هاچان اولدی کسیلمیش باشی گویا
موسانی هاچان ئولدوروب اول قوم مسیحا
کیم گوردی اونون باشینی قرآن اوخیاندا
.
.
کهف آیه سین ایلوبدی بو باش نیزه ده ازبر
قرآن اوخیور لحن حجازیله مکرر
گورسه او شهی رحمه گلر فرقۀ کافر
کافر اولو واللهی مسلمان اوخیاندا
.
.
قرآن سسووه یاحسین عالم اولا قربان
یاندیردی جهانی غمون ای شاه شهیدان
آغلار گئجه گوندوز غمووه #ذاکر نالان
فریاده گلر محنتون هر آن اوخیاندا
.
.

متن پیشنهادی:  غمیمده ایلمه افغان عم اوغلی یا علی صبر ائت #فاطمیه_رضوی_زنجانی

#سبک_ای_باد_صبا

.
#کوفه
#شاه_شهدا_نیزه_ده_قرآن_اوخیاندا
#ذاکر_اردبیلی
#ترکی
.
✍️ #زبدةالاشعار ✍️
?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی