شبه پیغمبره بیر شاه لب عطشان باخدی #اکبریه_عبادی_طارمی

حالات حضرت علی اکبر (ع)
.
.
.
عبادی طارمی
.
.
.
شبه پیغمبره بیر شاه لب عطشان باخدی
قلبی اودلاندی اونا دیده سی گریان باخدی
..
..
..
..
ساتاشیب شاه گوزی اکبر لیلایه گوزونه
کیم بیلور رهبر خوبان نه دیور اوز اوزونه
دقت ایلور باجیسی دیلده حسینون سوزونه
دولدی هم اکبرین هم زینبینون یاش گوزونه
اوچ یاشندا باجیسی اولدی هراسان باخدی
..
..
..
..
اذن میدانه گلیب اکبر آلا بابادن
تا حفاظت ائلیه راه شه تنهادن
ایچدی لب تشنه حسین مست ایلیین صهبادن
دئدی اوغلوم چاتاجاخ عرشه غمین صحرادن
یولّادی اکبری میدانه گوزی قان باخدی
..
..
..
..
یتیشیب لحظه ی ایثار و خداونده وصال
عزم ائدیب رزمه گئده اکبر آزاده خصال
اوج محنتده تاپوپ شاه ستم دیده مجال
گوزلری دولدی آخار اشکیله چون آب زلال
گوزلریلن الییوب حامینی حیران باخدی
..
..
..
..
عهد و پیمانیمه گلدیم الییم ایندی وفا
اورگیمده دئدی یوخ دولت دنیای فنا
جانیمی ایلیرم هدیه ی درگاه خدا
حق یولی کفریدن اولسون گرگ اخرده جدا
نور حق فخریله اول اکبره بیر آن باخدی
..
..
..
..
تا که باشلاندی علی اکبرینون پیکاری
سالدی بیر عده نی اعجابه اونون رخساری
دئدیلر شخص پیمبردی گلوبدور آری
گورسنور بوندا رسولین خصل و آثاری
سعدین اوغلی سپهه حالی پریشان باخدی
..
..
..
..
دئدی سعد اوغلی گلن رزمه پیمبر دگولی
مگر اول لیلیه مفخر خود اکبر دگولی
سیرتی هاشیمیدی شیره برابر دگولی
الده کی گرز گراندی اوکه خنجر دگولی
صورت سرخ عدو اوردا نمایان باخدی
..
..
..
..
باشلانوب بهبهه ی جنگ اولوبدور غوغا
گلنون باشی گدیر تیغه اولور ناپیدا
باخان احساس الییور یوم جزادور آیا
جانینی ویرمگه اول انور اولوبدور شیدا
نور پیغمبره خورشید درخشان باخدی
..
..
..
..
الغرض لشکر دشمنده کمین ووردی بیری
نیزه سی الده سالیبدور یئر ه غرنده شیری
دئدیلر قالسا بو قویماز قالا لشکرده دیری
قویماروخ بوردا حسین ایلیه برپا غدیری
دوشوب آتدان یئره اکبر شهه خندان باخدی
..
..
..
..
اکبرین دوره سینی دوره دیلر اهل دغا
باشینی ایلدیلر تندن او بحراندا جدا
اربا اربا اولوب اکبر دیوری حمد و ثنا
آسمانه آپارور بو خبری باد صبا
عرش اعلاده بلا دشتینه سوزان باخدی
..
..
..
..
صفحه صفحه اولوب ایات خدا میداندا
گزیر اول صفحه لری خون خدا طوفاندا
قالیب انصاری او مظلوم شهین بحراندا
دشمنین آتلاری میدانی چاپور جولاندا
چشم زهرا اونا چون موج خروشان باخدی
..
..
..
..
دئدی اوخشورسان اوغول قدی کمان زهرایه
باشی محرابیده مشتق اولونان مولایه
گلر عطرین بو بیاباندان علی هر آیه
سنیدون اوغلوما بوچولده گران سرمایه
سپیلن جسمینه احساسیله مهمان باخدی
..
..
..
#اکبریه #عبادی_طارمی #اکبریه_شهادت #ترکی #زبدةالاشعار