حُسن عالمینده هامّی گدا، شاه دور حسین #حسینیه_سیدبشیرحسینی

مدح امام حسین علیه السلام
.
✍️ #زبدةالاشعار ✍️
.
🆔: @nohe_torki
.
سید بشیر حسینی میانجی
.
حُسن عالمینده هامّی گدا، شاه دور حسین
البته شاه یوخ کی شهنشاه دور حسین
.
عشق عالمینده، دیده ی بینای عشقیده
گوندوز گونَشدی سانکی گئجه ماه دور حسین
.
شاهلار دوشنده درده، دوشرلر دخیل اونا
چون کی بیلورله صاحبِ درگاه دور حسین
.
گول لر ایچینده عینِ قیزیل گولدی گول یوزی
دنیاده پاک دیل لره دلخواه دور حسین
.
رهرو اولوبدی شیعه حسینه، مقامه باخ
عزّت یولوندا شیعیه همراه دور حسین
.
حقّین یولون گئدن لره یول گورسَدور مدام
هم رهنمادی امّته، هم راه دور حسین
.
هر نه واریدی وئردی آلوب اختیار تام
الله دئمه کی مظهرِ الله دور حسین
.
سونمز حسینون آتش عشقی قلوبیده
اهل دِلین دیلینده اولان آه دور حسین
.
هیئت چی لر همیشه گرَک افتخار ائده
چون هیئت اهلینه شرف و جاه دور حسین
.
کرب وبلانین عشقینه ترک ائتدی کعبه نی
سیر ائتدیقی مسیرینه آگاه دور حسین
.
.
#حسینیه_مدح
#حسن_عالمینده_هامی_گدا_شاه_دور_حسین
#ترکی
.
✍️ #زبدةالاشعار ✍️
.
🆔: @nohe_torki