در تعریف حضرت زینب سلام الله علیها
.
✍️ #زبدةالاشعار ✍️
.
🆔: @nohe_torki
.
محمد وهابزاده
.
شجاعت عرصه گاهینده اولان معجز نما زینب
یخوبدور قصر ظلّامی ائدوب محشر به پا زینب
.
.
نه زینب قاف حُریّت اونون مغلوب پروازی
پوزوب دیوان اِفسادی بوتون افعال جانبازی
گوروب قتل و جنایتلر اولوب استاد خونبازی
سینیق محملده سس چکدی حسینه مرحبا زینب
.
.
رجز ذکر ائتدی طوفان تک یاروب باش عشق مولادن
ائدن احیای امواتی موفّق تردی عیسادن
کسوبلر عشقینون باشین چتین تر راس یحیادن
وئرن اعجاز موسایه جواز اژدها زینب
.
.
سالوبدور صبری طاقتدن اولوب ایوب مبهوتی
بئله گوستردی اعجازین دئدی بازاره اُسکوتی
دیورلرعرشیدن احسن تمام جمع لاهوتی
اولوب اطفال نالانه پرستار شِفا زینب
.
.
علینون مکتبیندن چیخدی بیر شاگرد استثنا
اونون بحر علومینده ئوزوب مینلرجه یوحنّا
ملول اولما اگر زهرا دئسم زینبدی مستثنا
دیوب یکسر سنه احسن تمام انبیا زینب
.
.
یاغیبدور گوزلرین اشکی بلا صحراسینه آخموش
توکولموش قانلارا ناگه دوروب بیر تلیدن باخموش
حسینین قانینی زینب دوتوب آق زلفینه یاخموش
یاریلمیش باشه اول قانی ائدن معجون حنا زینب
.
.
اولوبدور خضرتک عطشانلارا بیر چشمۀ حَیوان
خلیل الله تک اوددان ائدوب تبدیل بیر بستان
کناره چکدی سجادین مثال صفحهء قرآن
خموش اول آتش سوزان گلور مام بلا زینب
.
.
لسان شمشیری تیز ائتمیش توکه تا خون شیطانی
خط بُطلان چکوب یکسر کتاب ظلم سفیانی
آلا تا حقی ناحقدن دیریلده دین و قرآنی
حسن زینب،حسین زینب، شریک کربلا زینب
.
.
بلالر اولدی مغلوب ، استقامت آلدی ئوز حقین
قاچوبدور زور میداندان دِیوبدور نور سوز حقین
کمال ایلشدی تخت اوسته، زواله وئردی ناحقین
نوا زینب، لوا زینب، صفا زینب، وفا زینب
.
.
وروبلارنیزیه خورشیدی تاسونسون اونون نوری
بلوط گر آلسادا نوری گونش مغلوب ائدر زوری
جداده گون بویی قالخار دییر معشوقه منظوری
فلق زینب ،شفق زینب ، لقا زینب ، بقا زینب
.
.
#زینبیه_محمد_وهابزاده
#زینبیه_مدح
#شجاعت_عرصه_گاهینده_اولان_معجز_نما_زینب
#ترکی
.
✍️ #زبدةالاشعار ✍️
.
🆔: @nohe_torki
نظر دهید