وداع باماه مبارک رمضان
..
..
سید بشیر حسینی میانجی
..
..
شروع اولوب غمیله ابتداسی آیریلیقین
غمه دوشن لره یوخ انتهاسی آیریلیقین
..
بو قارغیشی ائدیرم دیلده هرچه بادا باد
خراب اولیدی بنادن بناسی آیریلیقین
..
بیر عدّه درد و بلا واردی دؤزمک آساندی
چتیندی هر باشا گلسه بلاسی آیریلیقین
..
گولوندن آیری دوشن بلبل آغلاییب سؤیلر
وصالیدن صورا یوخدور دواسی آیریلیقین
..
گرَک بو قورقونون اَسرارینی جوان بیلسین
قوجالدار عاشقی غم ماجراسی آیریلیقین
..
عزالی ایلَدی بلبل لری آپاردی گولی
گوروم کی تئز دوتولیدی عزاسی آیریلیقین
..
بو درده دوشمیه نین قلبینه اوتورماز سؤز
صفاسی یوخدی ولی وار جفاسی آیریلیقین
..
اوروشلوق آیی نین آیریلماسی چتیندی بیزه
بیزیم نوا کیمی چیخسین نواسی آیریلیقین
..
فقط او یئرده گوزلدور بو آیریلیق والله
کی انتهاده اولا کربلاسی آیریلیقین
..
اؤرک لرین سؤزونی یازدی سیّدالشّعرا
الهی اولماسین او مبتلاسی آیریلیقین
..
#رمضانیه_وداع #رمضانیه
#شروع_اولوب_غمیله_ابتداسی_آیریلیقین
#سیدبشیرحسینی
#ترکی
#زبدةالاشعار
#زبدةالاشعار 
: @nohe_torki . مرحوم شعاع تبریزی . عمل گر چه بدون اطلاع کبریا اولماز اولان بسم اللهیله ابتدا بی انتها اولماز . . چاتارمقصوده هر کیم سوز باشندا ذکر ایده هوبیشتر
نظر دهید