شمع یانماز او قدر که گجه لر من یانورام #نادربابایی #حسنیه_نادربابایی

زبانحال امام حسن مجتبی (ع)
.
زبدة الاشعار
.
: @nohe_torki
.
حاج نادر بابایی
.
شمع یانماز او قدر که گجه لر من یانورام
باخسا پروانه دیر حالیمه احسن ،یانورام
.
دیل یاراسی او قدر عرصه نی تنگ ائتدی منه
غربت اولدی منه بو وادی موطن یانورام
.
آغلادار سون نفسیمده ننه مون داغی منی
باغبان گئتدی سولوب صحنه ی گلشن یانورام
.
یوخوما گلدی دئدی آی الی قوینوندا بالا
سن منه آغلوسان اما سنه ده من یانورام
.
ای اجل تز یتیش امدادیمه یورقوندی نفس
چکورم آه شرر باری مبرهن یانورام
.
قوشون امنیتی واردور یوواسیندا گجه لر
اولمادیم من ئوز ائویمده ولی ایمن یانورام
.
کیمسه نون دردی اولاندا دیر ئوز محرمینه
محرمیم اولدی ائویمده منه دشمن یانورام
.
جگریم پارچالانوبدی دیلیم آغزیمدا یانور
چکدی بو کوزه منیم حالیمه شیون یانورام
.
ای صبا وئر خبر اعوانیمه گلسونله یاسا
عمریمون اولدی گلی بوگجه دن دن یانورام
.
نگرانم سفر اوسته بوحسینون غمینه
اولاجاق دشمنه مهمان سر بی تن یانورام
.
من سو ایچدیم گئدورم تشنه حسینیم گئده جک
قوریان لبلرینه منده ئورکدن یانورام
.
(نادرا)سوز دلی غملی بقیعده گوروسن
بوته ی غمده دیر سنگیله آهن یانورام
.
.
.
#حسنیه_شهادت
#شمع_یانماز_او_قدر_که_گجه_لر_من_یانورام
#نادربابایی
#ترکی
.
#زبدةالاشعار
.
: @nohe_torki