اولدی شهید او گون که شهنشاه نینوا #کوچ_کربلا #عباسعلی_فاخر

کوچ از کربلا
.
✍️ #زبدةالاشعار ✍️
.
🆔: @nohe_torki
.
عباسعلی فاخر
.
اولدی شهید او گون که شهنشاه نینوا
فخر ایتدی عرش داوره صحرای کربلا
.
ئولدی ئولن قالانلار اولوب دشمنه اسیر
یاندی شرار محنتیله آل مصطفی
.
بدر و حنین کینه سی دللرده اهل کین
فخر ایلوری او فتحیله اشرار بی حیا
.
فرمان کوچ صادر اولوب ابن سعدیدن
دوشسون یولا قطار اسیران کربلا
.
یول سالدی قتلگاهه طرف شمر قصدیله
ایستردی یاندیرا دل اطفالی برملا
.
گورجاق او گل بدنلری ناگاه ناقه دن
یکسر توکولدولر یره دللرده آه و وا
.
اما بیله گمانه گلور حجت زمان
اولموبدی چون پیاده یِنَمموب او مقتدا
.
تا گوردی هر اسیره خانم اؤز عزیزینی
جسمی دوشوب ترابه قالوب خاک و خون آرا
.
نی تک نوایه گلدی اؤرکدن سیزیلدادی
یوز دوندروب حجازه دیوب وامحمدا
.
هر چند شوره گلمیشدی جمله اهل بیت
اما رقیّه هامودان آرتوخ ایدوب نوا
.
از بس گلوب نوایه او دم فاطمیّه لر
یاندی شرار درد و غمه قلب ما سوا
.
زینب دوروب مقابل نعش حسین ده
ایتدی نظر او مظهر عشقه یانا یانا
.
یوز دوتدی آسمانه طرف عرض ایدوب او دم
ای کائناتی خلق ایدن ای حیّ لایرا
.
آیا همان حسینیدی زهرایه یادگار؟
باشین ایدوبدی اهل جفا جسمدن جدا
.
قالموبدی پیکرینده داخی بوسه گه منه
قربان راه عشقدی مقتول اشقیا؟
.
اگلشدی چکدی نعش حسینی قوجاقینه
عرض ایلیوبدی قارداشینا معدن وفا
.
آسوده یات که حلقه ویروب دور نعشوه
مین حسرتیله جمله اولوالعزم انبیا
.
هر قدر سسلیرم نیه سس ویرموسن حسین
دور ویر جواب زینب نالانه یا اخا
.
فاخر ال اوزمه دامن شاه شهیدان
اولسون شفیع گنه لریوه موقف جزا
.
.
.
.
#کوچ_کربلا #عباسعلی_فاخر
#اولدی_شهید_او_گون_که_شهنشاه_نینوا
#ترکی
.
✍️ #زبدةالاشعار ✍️
.
🆔: @nohe_torki