#یا_اباالحسن
.
✍️ زبدة الاشعار ✍️
?: @nohe_torki
.
رحمان جاهدی
.
شهریاریسن شهر یاریده شاه ارتضی یا اباالحسن
اول ملک خدم بارگه ائدوب طوسی با صفا یا اباالحسن
.
هاشمی نسب حیدری خصال مجتبی باخیش مصطفی جمال
بیر آدین علی بیر آدین رضا چون شه ولا صاحب کمال
جز نبی و اولاد مرتضی بیر نفرده یوخ سنده کی جلال
اولموسان جگر گوشه احمده سبط لافتی یا اباالحسن
.
نیّر سپهر مرادی سن بحر لطفیده درۀ بی بدیل
حجت رئوف الهی سن علم و حلمده وارث خلیل
خلقتونده ای ثامن الحجج محشر ایلیوب خالق جلیل
خلق ائدوب سنی ربّ العالمین قلزم عطا یا ابا الحسن
.
مورم و سلیمان سن منه سندن ایلرم اخذ ابرو
ماسوائیله من دگیشمرم تار زلفوی شاه خوب رو
یوسفه اولوب اول گوزلّیقیق فاطمه گلی هر دم آرزو
یوسفی سیزون عشقوز ایلیوب چاهیدن رها یا اباالحسن
.
گنبد اوسته وار بیر یاشیل علم یادگار سقّای کربلا
اسدیقیجه اول پرچمون سالار شاه علقمی یادیمه آقا
چاتسا گر الیم اول ضریحیوه ای عزیز شاهنشه ولا
نی کیمی گلوب دردیدن دله ایلرم نوا یا اباالحسن
.
کیم گوره گوزل بارگاهیوی جنّت آرزو ایلمز یقین
کلّ جنّته سیّدی دگر تکجه صحن سقّاخانان سنون
هر گورن دئیر عرشی چکموسن گویا یره شاه بی قرین
رشک عرش اولوب سنله سیّدی مشهد الرضا یا اباالحسن
.
بیر خزان وران گل مثالیم گلشن ایچره دلزار و خستیم
فرض ائله بیر آهودی سیّدی آهو تک سنه پای بستیم
اولموشام دخیلون سنون شها تا که کربلا سندن ایستیم
چوخ داریخمیشام باشیمه دوشوب شوق کربلا یا ابالحسن
.
نوکرون اولام یوخ لیاقتیم درگهونده فرض ایله خار و خس
عندلیب عاشق کیمی سیخار قلب زاریمی گوشه قفس
عشقون اولماسا یابن فاطمه دردیدی منه چکدیقیم نفس
عاصیم ولی عاشقم سنه شاه دلربا یا اباالحسن
.
روضه ده قاتیب گوزیاشی صوده صود وئروب منه مهربان آنام
فخریله وئروب نوکر اوغلونی سیّدی سنه مهربان آنام
دهر پر بلادن چکوب منی دار الایمنه مهربان آنام
قویمیوبدی اغیاره ال آچام شاکرم بونا یااباالحسن
.
وار وجودومون بیر نقاحتی ایلمور اطبّا منی رها
قویما عارضه اشک حسرتیم زاده علی دم به دم آخا
فاطمه آنان جانی سیّدی «جاهده» اوزون قیل نظر آقا
گل جوادیوه خاطر ایله سن دردیمه دوا یا اباالحسن
.
#سبک_نقش_من_چرا_نقش_ماتمه (میلادیه مشابه )
.
#رضویه_مدح
#شهریاریسن_شهر_یاریده_شاه_ارتضی_یا_اباالحسن
#رحمان_جاهدی
#ترکی
.
✍️ #زبدةالاشعار ✍️
?: @nohe_torki
نظر دهید