شهر ملاله قافلۀ غم گلور گینه #خروج_مکه_دلپاک

خروج از مکه
استقبال از ماه محرم
..
..
..
رضا غلامپور (دلپاک)
..
..
..
شهر ملاله قافلۀ غم گلور گئنه
بو قافله یله موسم ماتم گلور گئنه
..
عالم آرا تزلزل رکن قلوبیدن
سر حدّ غمده لرزیه عالم گلور گئنه
..
بو پیچ و تاب منظرۀ روزگاریدن
معلوم اولور کی محنت اعظم گلور گئنه
..
یا رب ندندی نظم و نظام عوالمات
چشم خیاله یکسره برهم گلور گئنه
..
تشویشه تا قلوبی سالیر بانگ تعزیه
هر الده شوره بیر قره پرچم گلور گئنه
..
ای وای حسین دیینده حسین آغلیانلاری
بولدوم عزادی ماه محرم گلور گئنه
..
سو آدی تا گلور دیله ای وای دیه دیه
کوثر نوایه نالیه زمزم گلور گئنه
..
باشلانمامیش مراسم ختمه ملالیلن
قاره گییبدی حضرت خاتم گلور گئنه
..
بیر کاروان دوشوبدی یولا سمت کعبه دن
صحرای ابتلایه منظّم گلور گئنه
..
ایفای عهد نامۀ یوم الستینه
میعادگاهه شاه مکرّم گلور گئنه
..
بزم وصاله چاتماقا بیر جمع خاصیله
منزلگه نگاره مصمم گلور گئنه
..
زینب بلا چولونده حسینون یاراسینا
گوزیاشلاریله قویماقا مرهم گلور گئنه
..
غمدن یول اوسته هر بالانین گول جمالینه
دسته به دسته قطرۀ شبنم گلور گئنه
..
کرببلا دیارینه عباس نامدار
دوتموش الینده پرچمی محکم گلور گئنه
..
روح وفانی وعده گه حقده ائتماقا
بیر خاص شیوه ئیله مجسم گلور گئنه
..
شوقیله بیرده چگنینه سالمیش سو مشگینی
آل الله سو وئرماقا خرم گلور گئنه
..
نسگیل اودوندا حسرتیله قلبی صبح و شام
اصغر یانان ربابیله باهم گلور گئنه
..
هردم دئیور اوغول سنه باخدوقجا بولمورم
قلبه ندن ملالت مبهم گلور گئنه
..
معلوم اولان قاباقدا علی وار چتین گونون
چون پیک غم خیاله دمادم گلور گئنه
..
تا واردی فرصتین سینم اوستونده یات بیرآز
چوخ آز زماندا رنج معظم گلور گئنه
..
الله یئتیش هرایه کی زهرا دوشوب یولا
کرببلایه قامتی چوخ خم گلور گئنه
..
سارا دوتوبدی ساق طرفین صولدان آسیه
اللر اورکده آردیجا مریم گلور گئنه
..
آغلیر دئیور اوغول گئدیسن نه شتابیله
بو گئتماقیندا غم دله همدم گلور گئنه
..
وورام بو غمده سینه مه شوریله سانمارام
وورسام اگر اذیّته سینم گلور گئنه
..
سینمده واردی بیر یارا کی جانه آغریسی
هر لحظه ای ملالیمه محرم گلور گئنه
..
دلپاک سنده اهل عزا تک خلوصیله
گی قاره گوینگین که محرم گلور گئنه
..
شک ائتمه بیرده دشت ملاله هر ایل کیمین
بو کاروان عشق مسلم گلور گئنه
..
..
..
#خروج_مکه #دلپاک #ورود_محرم_دلپاک #ورود_محرم #ترکی #زبدةالاشعار