شهید ایده لَّه منی عاشر محرمده #ورود_کربلا_حقیر_خویی

ورود کربلا
زبانحال حضرت امام حسین(ع)به قبیله بنی اسد
و دفن شهدا
.
#زبدةالاشعار
.
: @nohe_torki
.
مرحوم حقیر خویی
.
شهید ایده لَّه منی عاشر محرمده
گلر وقوعی علاماتی وار بو عالمده
.
شدید یللّر اسر عالمی دوتار ظلمت
بلون او وقت قالور ئولماقیما بیر ساعت
.
او دم که عالمین اوضاعی انقلابه دوشر
گلر تزلزله یر گوگلر اضطرابه دوشر
.
هوا چو تیره لنور رعد و برق ظاهر اولار
ستاره لر گورونر گویده گون یوزی دوتولار
.
گورن زماندا که گویدن یاغور دمادم قان
بلون کسوب باشیمی شمر بیحیا دالیدان
.
اووقت ظاهراولار سرّ کربلا چولینه
بو کربلا دونه جاق کعبه تک منا چولینه
.
دوشر بو عرصه ده عریان جوانلارین بدنی
اولار بدنلرینین خاک کربلا کفنی
.
شهیدلر بدنی غسل ایستمز بیرده
گلون جنازه لری قویمیون قالا یرده
.
قبیله اهلی قدم قویدولار او صحرایه
نه گوردولر که دونوب قتلگاه مینایه
.
منای عشقیده از بس کسوبدولر قربان
دوشوبدی گون کیمی باشسیزجنازه لر عریان
.
داغیلدیلار چوله هر سمته گیتدی بیر دسته
گلوب یتوشدوله بیر نوجوان باشی اوسته
.
کسوبدولر باشینی فرقۀ خدا نشناس
نه باش قالوب بدنینده نه جامه و نه لباس
.
ووروبلا خنجر ایکی کتفینین آراسیندان
هنوز قانی آخور خنجرین یاراسیندان
.
دیوب بیری بیرینه گوستروب ویروبله نشان
بودور او هاشمی خالی اولان گل اوزلی جوان
.
گورون نه حاله سالوبلار بو نازنین بدنی
سویوبلا پیکرینی یوخدی بس ندن کفنی
.
بیر اوزگه سمته توجه سالوب ایدوبله نظر
نه گوردولر گورونور پاره پاره بیر پیکر
.
اولوبدی گل کیمی اعضاسی خاکیله یکسان
یارالی سینه سینه آتلار ایلیوب جولان
.
دوشوب گذارلری بیرده نهرعلقمدن
دونوب اورکلری قانه او غصّه و غمدن
.
باخوب نه گوروله بیر سرو ناز وارسته
نهال قامتی قولسوز دوشوب فرات استه
.
نه باش بدنده نه ال سربسر بدن یاره
سو مشکی بیر طرفینده دوشوب یره پاره
.
علم یاتوب علمی پرچمی باتوب قانه
دوشوبدی قولّاری بیر یانه مشک بیریانه
.
بیری بیرینه ویرردی نشان اشاره ایله
همین بدن که سراسر دولوبدی یاره ایله
.
بو اول جوان قمر طلعت و دل آرادور
باخون بو مشکه یقین ایلیون که سقّادور
.
یارالاری آچیلوب جانب فراته باخور
فرات تک یارالاردان هنوز قانی آخور
.
سو اولمیوب الی بوش خیمیه خجالتدن
گیدنمیوب اؤزی معلومیدور بو حالتدن
.
سوسوزلارا بیله معلوم اولور آپارمیوبدور آب
سو ایچمیوب اؤزیده قانیله اولوب سیراب
.
«حقیر» یازما داخی ماجرانی قیل کوتاه
گورنده نعشیلری نه چکوبدی آل الله
.
.
#ورود_کربلا #حقیر_خویی
#دفن_شهدا
#شهید_ایده_له_منی_عاشر_محرمده
#ترکی
.
#زبدةالاشعار
.
: @nohe_torki