صاحب وقار عباس میر تاجدار عباس #عباسیه_یحیوی_اردبیلی

شجاعت حضرت ابوالفضل (ع)
..
..
..
..
مرحوم یحیوی اردبیلی
..
..
..
..
صاحب وقار عباس میر تاجدار عباس
حیدرون رشید اوغلی شیر نامدار عباس
..
..
..
..
چکدی نقشه ی جنگی دوتدی جنگه چون تصمیم
سینه ده ایکی اللر شاهه ایلدی تعظیم
آلدی تشنه سلطاندان اوز وظیفه سین تعلیم
رمز دفترین سلطان ایلدی اونا تسلیم
اولدی احترامیلن خیمه دن کنار عباس
..
..
..
..
برکیدوب آتون تنگین دوتدی سر لجامیندن
گلدی تا عبور ائتسون تشنه لر مقامیندن
بیر بولوک خانم قیزلار چیخدی اوز خیامیندن
یاندیم العطش یاندیم سس گلوب سو جامیندن
اول سوسوز بالالاردان اولدی شرمسار عباس
..
..
..
..
جانینی گرو قویدی ائتمیون دیدی ناله
قیمتی نه قدر اولسا سو گتوررم اطفاله
من که صادق القولم قالدی همّت اقباله
آفرین بو کرداره آفرین بو افعاله
ای جوان دریا دل اى وفا شعار عباس
..
..
..
..
یتدی پیش اعداده رسماً آت دولاندیردی
هر یانا ائدوب حمله برق تیغی یاندیردی
پوزدی دسته لر نظمین تا سپاهی سیندیردی
نهر علقم اوستونده ووردی بیدقین دوردی
بیر هدفده دریانی ایلدی شکار عباس
..
..
..
..
بیر اووج سو دولدوردی گتدی گوز قباقینه
تشنه لر سسی دوشدی ناگهان قولاقینه
باخدى باطن عالمده اصغرون دوداقینه
ایچمدی سویی آتدى مرکبون ایاقینه
دولدوروب سودان چیخدی مشگین اشکبار عباس
..
..
..
..
خط سیرینی سالدى نخلگاه آراسیندن
دوشدی لشگره وحشت سهمگین نداسیندن
هی توکردی باشلاری تیغ جان رُباسیندن
دولدی کربلا دشتی الحذر صداسیندن
یوم حشری اعدایه قیلدی آشکار عباس
..
..
..
..
اسدی تند بیر طوفان اولدی روی عالم تار
گوردیلر که دندانه مشگینی آلوب سردار
سینه ده علم قانلو بس هانی اوزون قوللار
اوغلینون او وقتینی فاطمه دییر آغلار
سویلیور آنان قربان ای حسینه یار عباس
..
..
..
..
بیر زمان حسین تاپدی باش آچوخ علمداری
گوردی قاندى بیر پارچا اول وجود گلناری
بیر یانا دوشوب مشگی بیر طرفده قوللاری
بیدقون هارا دوشموش کربلا سپهداری
یاتما دور بئلیم سینی اولدوم ایندی خوار عباس
..
..
..
..
یحیوی یاز عبّاسه نوحه عمر فرصتدى
وقت که احبّالر دفن ائدوب سنی گئتدی
اقربا اوغول قارداش سندن انسی ترک ائتدی
اوندا سن گوررسن بو زحمته عوض یئتدی
یعنی باشوون اوسته بیدقین وورار عباس
..
..
..
..
#عباسیه #یحیوی_اردبیلی #عباسیه_شجاعت #ترکی #زبدةالاشعار