صبح صادق مَطلعیندن ظاهر اولدی آفتاب #عسکریه_مصیبی_تبریزی

مدح و میلادیه حضرت امام حسن عسکری علیه السلام
.
زبدة الاشعار
.
: @nohe_torki
.
محمد علی مصیبی تبریزی
.
صبح صادق مَطلعیندن ظاهر اولدی آفتاب
پرتو انواری تنویر ائتدی سطح اغبری
.
صف چکوب حوران جنت آستان عرشیده
سِیر ائدور کرّوبیان نُه طاق چرخ اخضری
.
آشکار اولموش کلیمه گوئیا اِجلال طور
سینۀ هادیِّ دین اولموش تولّا مجمری
.
غرقۀ امواج امّید اولدی کشتی بان یأس
تا وُرولدی بحر امّیده ولایت لنگری
.
اسدی مشرقدن نسیم معنویت عالمه
سیندی مغربده خزانْ عنقاسینون بال و پری
.
بیله گونده دیدۀ دورانی مخمور ایلیوب؛
پرتو انوار حقین آیری بیر افسونگری
.
تاج تکفیر و عداوت قهراً اولدی سرنگون
تا آچوب گوزعالمه عشق اهلی نین تاج سری
.
آز قالوبدور فرقت مهتاب تاپسون خاتمه
گوز وُروب تابرج عشقین اون بیرینجی اختری
.
دُرّ خوش نقشِ ولایت کنزعصمتدن چیخوب
آخرین الماسی، حق بوندان ائدر صورتگری
.
توتیای دیدۀ اهل یقین دور مطلقا
طرّۀ گیسوسی نین گرد و غبار اطهری
.
دم غنیمت دور بو زیبا دمده باهم سسلیاق
یا اَبَالمَهْدی ، اَبَاالقائم ، امام عسکری
.
.
#عسکریه_میلادیه
#صبح_صادق_مطلعیندن_ظاهر_اولدی_آفتاب
#مصیبی_تبریزی
#ترکی
.
#زبدةالاشعار
.
: @nohe_torki