صبور دشت بلا مست یار سن زینب #زینبیه_محمد_وهابزاده

در توصیف و تعظیم عظمت حضرت زینب سلام الله علیها
.
.
.
محمد وهابزاده (عیّار)
.
.
صبور دشت بلا، مستِ یار سن زینب
سفیر جنبش حق، سَر به دار سن زینب
.
تمام سِیرینی زرتار محمل اوسته گئدن
نَدن کجاوۀ عُریان، سوار سن زینب
.
دوشوبدی وَرطۀ طوفانِ ظلمهَ اقبالون
او بَحرِ موجیده صاحب مَدار سن زینب
.
بساطِ حقّیله باطل دَگنده بیر بیرینه
قسیمِ جنّت وَ نارَ عَیار سن زینب
.
یزید فتنه شعارین گر اولسا دبدبه سی
بیان خطبه ده سن ذوالفقار سن زینب
.
حسین وقارینی ظاهرده گر پوزوبدی یزید
یزیدی محو ائلین شهسوار سن زینب
.
هایاندا ظلم اولا اوردا مدافعِ حق سن
فدا ائدن حقه دار و ندار سن زینب
.
یاناندا خیمۀ عصمت شرارِ قهر الینه
تنورِ حادثه ده بُردبار سن زینب
.
محیط اولاندا ستم خیمۀ ستاره لره
حریمِ خیمه ده محکم جِدار سن زینب
.
حجاب و عفتِ نسوانه کیم چاتاردی اَلی
سن اوردا حافظ شأن و وقار سن زینب
.
حسین، عشقه گوره باشی چیخدی نیزه لره
او باش سنه، سن اونا افتخار سن زینب
.
سَنه ائدوبدی توسل نماز شبده امام
بو سوز دیور که سن عصمت تبار سن زینب
.
تمامِ عشق و شهامتده سن شریک اولدون
مدارِ عشقیده نصفُ النّهار سن زینب
.
کفیلِ خون حسینه اگر یازیلسا بیر آد
بو قانی آلماقا شیر شکار سن زینب
.
.
#زینبیه
#زینبیه_مدح
#صبور_دشت_بلا_مست_یار_سن_زینب
#محمد_وهابزاده
#ترکی
#زبدةالاشعار