عبدالله ابن حسن (ع)
.
✍️ زبدة الاشعار ✍️
?: @nohe_torki
.
حضرتی (ناعمی)
.
گلدیم یئتیرم عشقیمی اثباته عموجان
منده تاپام ال فیض ملاقاته عموجان
جانیم سنه قربان
.
عبدالله آدیم، فاطمیه نور دو عینم
طاها بالاسی، سبط شهنشاه حنینم
فخریم بودی کی ابن الحسن، عبدالحسینم
مین شکر ائدرم من بو مباهاته عموجان
.
اول گوندن عموجان کی آتام گئتدی الیمدن
هم اولدون عَموم هم آتام ای شاه ولا سن
سن سن ابی عبدالله و عبداللهوم من
ئوز وئرمیه غم، غرق بلیّاته عموجان
.
گؤردوم کی بو گون موجیلی طوفاندی بو صحرا
قان قان دئیور اعدا باشاباش قاندی بو صحرا
بی کسدی امامیم دولی عدواندی بو صحرا
یوخ یاور اولان سیّد ساداته عموجان
.
گؤردوم آچیلوب باب شهادت گئدور عشاق
زیبا بزنوب قیرمیزی بیر نوریله آفاق
آغوشه چئکور جان به کف عاشقلری توپراق
تفسیر یازور قاتیله هیهاته عموجان
.
گؤردوم بویانوب قانه علی اکبرون ای شاه
کقصوده چاتوب لشکر و سرلشکرون ای شاه
پیکانی اموبدی سودامر اصغرون ای شاه
باغون اولوب آماج نه آفاته عموجان
.
گؤردوم کی سنی قتلگهه ییخدیلار اشرار
اخیامیده سسلندی حسین وای هامی قیزلار
دنیا دولانوب باشیمه اولدی اورگیم زار
تاب ائتمدی قلبیم بو مصیباته عموجان
.
عمّم نقدر ایلدی ایجاد موانع
قتل عرصه سینه گلمگیمه تا اولا مانع
سندن اورگیم اولمادی آیریلماقا قانع
جذب ایلدی عشقون منی میقاته عموجان
.
گلدیم سنی گؤردوم کی قیزیل قانه باتوبسان
یورغون یارالی حالدا چوخور یئرده یاتوبسان
حقّه گؤره گؤزدن هامی دنیانی آتوبسان
مشغولسن عشقیله مناجاته عموجان
.
بیر ظالمی گؤردوم کی چئکوب تیغ جفانی
جان شرفین قصد ائلیوب جانین او جانی
ایستور یارالی یاره ویرا کاری یارانی
صدمه یئتیره شارح آیاته عموجان
.
اول لحظه ده بیلمم داخی مولی نلر اولدی
جوشلاندی قانیم دل دولی شور و شرر اولدی
قوللاریم همان یاره لی جسمه سپر اولدی
باش تاپدیم او دم سرّ مساواته عموجان
.
یئتمیش ایکی گولدن او گؤزل یاسوی سویدوم
انصاریده اول طیّب الانفاسوی سویدوم
من مدرسۀ عشقیده عبّاسوی سویدوم
بلکه یئتیرم عشقیمی اثباته عموجان
.
#سبک_ای_باد_صبا ( بیش از 7 سبک)
.
#عبداله_الحسن
#گلدیم_یئتیرم_عشقیمی_اثباته_عموجان
#حضرتی_ناعمی
#ترکی
.
✍️ #زبدةالاشعار ✍️
?: @nohe_torki
نظر دهید