صوت قرآنون سووردیم صوتیوه قربان عم اوغلی #فاطمیه_رجایی_تبریزی

زبان حال حضرت زهرا(س) خطاب به علی(ع)
..
..
..
#سبک_ای_ویرن_ویرانه_یرده
..
..
..
مرحوم رجایی تبریزی
..
..
..
..
صوت قرآنون سووَردیم صوتیوه قربان عم اوغلی
آخر عمرومدی بیرده گل اوخی قرآن عم اوغلی
..
..
..
..
جان ویرنلر باشی اوسته آختارور سن تک طبیبی
گل بیر آز اگلش یانیمدا یا حبیبی یا حبیبی
بیله جان ویرماخ جهاندا هر کسون اولماز نصیبی
غبطه ایلر ساکنان عالم امکان عم اوغلی
..
..
..
..
سن بولورسن هانسی ظالم قلبیمی دوندردی قانه
نه جسارت ایتدی قنفذ بو علیل و دلفگاره
گه منه سیلی ووروبلار گه لگد گه تازیانه
غصّه مرگ ایتدی بتولی فرقۀ عدوان عم اوغلی
..
..
..
..
چوخ مؤثر اولدی نالَم حضرت پروردگاره
لطف اوزیله چاره قیلدی من مریض و دلفگاره
اولموشام دعوت بو ساعت عازمم بزم نگاره
محسنون قانی الیمده تحفۀ شایان عم اوغلی
..
..
..
..
فرقتون مشکل دور امّا نیلیوم یوخ الده چاره
لطف قیل بو صون نفسده باشیمی آل بیر کناره
قابضُ الارواحه آندور وار منیم سینمده یاره
رأفتیله بلکه آلسون جانیمی آسان عم اوغلی
..
..
..
..
صبر ایدوم آیا نه نوعی گلمِیوم من شور و شِینه
جانیمی وقف ایلمَشدیم بو ایکی نور دو عینه
سن بولورسن چوخ سویردیم چوخ علاقم وار حسینه
قتلگاهنده دولانّام دیده سی گریان عم اوغلی
..
..
..
..
صرف ایدر عمرون همیشه باغبان گل سنبل اوسته
بلبل روحیم حسینی بسله موشدیم من گل اوسته
دوزمرم گورسم قویوبلار اوغلومون باشین کول اوسته
ایلرم مطبخ سرانی اشکیله ویران عم اوغلی
..
..
..
..
بیر باشی که زینت اولدی عرش حیِّ کردگاره
بیر باشی که اگدی تک باش حضرت پروردگاره
نه روا گیتسون جِداده مجلس شُرب و قماره
خیزران ظلمیله آخسون لبلریندن قان عم اوغلی
..
..
..
..
اولموشام راضی ازلده ماجرای کربلایه
گه گیدوب کُنج تنوره گه باخام نوک جدایه
بیر «رجائیله» دایانّام هر گلن درد و بلایه
حشرده اولسون شفاعت امرینه عنوان عم اوغلی
..
..
..
..