زبدةالاشعار

ضربت ویریلوبدور شه مردانه الهی #حیدریه_سیدبشیرحسینی

نوحه و روضه امیرالمومنین علیه السلام
.
.
#سبک_ای_باد_صبا (بیش از 7 سبک )
.
.
سید بشیر حسینی میانجی
.
.
ضربت ویریلوبدور شهِ مردانه الهی!
محراب عبادت بویانوب قانه الهی!
.
.
شمشیر جفادن سر حیدر یارالاندی
حتّی دل خونین پیمبر یارالاندی
سانکی تئزَدن سینه‌ی کوثر یارالاندی
قان آخدی گئنه صفحه‌ی قرآنه الهی!
.
.
تا زهریلی شمشیر، باشا ائتدی اصابت
یئر گؤی آراسیندا دئدی جبریل او ساعت
سیندی قسَم آللّهیمه ارکان هدایت
حتّی ائشیدوب اُول سسی بیگانه الهی!
.
.
یئر تیتره‌دی گؤی تیتره‌دی اسدی قئره یئل‌لر
قان آغلادی داشلاردا، آخوب قؤرخولی سئل‌لر
یوز مسجده ساری گتیروب غصّه‌لی ائل‌لر
ووردیلا باشا گلدیله افغانه الهی!
.
.
جان و دیلیلن ایلیورم محنتی احساس
القصّه حسین و حسن و حضرت عباس
گَتدیله ائوه حضرتی اُول لحظه‌ی حسّاس
غم رنگی دوتوب خانه و کاشانه الهی!
.
.
قیز خَلقی مصیبت‌لی زمانی دؤزَه بیلمز
خاصّه آناسیز قیز غمه، آنی دؤزه‌بیلمز
گؤرسه آتا باشینده یارانی دؤزه‌بیلمز
صبر ایله عطا زینب نالانه الهی!
.
.
آچدی قاپونی گؤردی آتاسین قانا غلطان
بیردن ایکی الّی باشینا ووردی هراسان
سسلندی بابا! زینبون اولسون سنه قربان
اُول صحنه وورار اؤد دل انسانه الهی!
.
.
#گریز
.
.
دوزدور بو گئجه عترته بیر غملی ماجالدی
بیر غم گونی وار اوندا فغان عرشه اوجالدی
زینب یارالی قارداشینی گوردی قوجالدی
عرض ائتدی: نظر ایله بو قربانه الهی!
.
.
اوغلانلاری قارداشلاری القانه باتوبلار
بو چولده باتار کَن قانا، آماله چاتوبلار
چوخ گورمَلی‌دی یاره‌لی یان یانه یاتوبلار
قان سو تک آخور غصّه‌لی میدانه الهی!
.
.
گوزیاشیم آخور یاره‌سینه، سیلمورم آلله!
من باغلیوم هانسی یاراسین بیلمورم آلله
هئچ بیلمورم آخر نیه من ئولمورم آلله!
دردیم وار الیم چاتموری درمانه الهی!
.
.
درده دؤزَرم سن کیمی چون دادرسیم وار
دوزدور او قوشام کی غم و محنت قفسیم وار
عهد ایلیورم تا نقَدر کی نفسیم وار
قان آغلیارام شاه شهیدانه الهی!
.
.
یارب! سنی آندا وئریرم “یاربَ”ه خاطر
خوار ائتمه “بشیر”ی بو گوزل مطلبه خاطر
عفو ایله حسین و حسن و زینبه خاطر
شایسته ائله روضه‌ی رضوانه الهی!
.
.
.
.
#حیدریه #حیدریه_شهادت
#ضربت_ویریلوبدور_شه_مردانه_الهی
#سیدبشیرحسینی
#ترکی
#زبدةالاشعار

متن پیشنهادی:  مولا شهادتونده عالم آغلار #صادقیه_احمد_پوریا

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی