زبدةالاشعار

طبیبیم دردمندم طالب درمانیوام گل گل #شبخیز

یا مهدی
.
✍️ زبدة الاشعار ✍️
.
🆔: @nohe_torki
.
مرحوم شبخیز
.
طبیبیم دردمندم طالب درمانیوام گل گل
مریض درد عشقم، خستۀ هجرانیوام گل گل
.
کرم قیل التفاتون کسمه ای شه، بینوالردن
گدایم بینوایم، سائل احسانیوام گل گل
.
خمار بادۀ عشقم منه رحم ایله ای ساقی
وفا بزمینده محتاج می عرفانیوام گل گل
.
مسلم نیلورم، وئردیم حیاتون چشمه سین خضره
بقا سرچشمه سی سنسن سنون عطشانیوام گل گل
.
گئجه گوندوز ایشیم آه و فغان دور، درد هجروندن
ترحم قیل خیال وصلیله حیرانیوام گل گل
.
اورکده لاله تک هجرون چکوبدور داغی، داغ اوسته
الا ای باغبان رحم ائت یانان ریحانیوام گل گل
.
بهشتیم گلشنیم باغیم گلستانیم گلیم، سن سن
خوشام بلبل لرون جمعینده مدحت خوانیوام گل گل
.
امیدیم عزتیم عشقیم جلالیم شوکتیم، شانیم
حبیبیم، دلبریم، جانیم،بلا گردانیوام گل گل
.
تولّا ملکونون سلطانی سن سن ایندی احسان ائت
بو مسکین و گدایه ریزه خوار خوانیوام گل گل
.
جهاندا اهل عالم لطفیوه محتاج دور ای شاه
نه تک من مستمند دولت غفرانیوام گل گل
.
اگر چه قابلیت یوخ اولام درباریوه دربان
ولی لطف ایله ای شه خادم دربانیوام گل گل
.
اوزومده گورمورم اقبال اولام درگاهیوه خادم
تفضل ایله سن جارو کش ایوانیوام گل گل
.
تعال الله تعال الله عجب لطف ائتموسن احسان
که بنده سویلور اوز مولاسینه قربانیوام گل گل
.
باش ایسته ای باشیم تاجی سنه جانیم فدا اولسون
ندور باش مین جان اولسا تابع فرمانیوام گل گل
.
سن اقلیم ولایتده شهنشاه فلک شوکت
قبول ائتسن غلام بی سر و سامانیوام گل گل
.
تیکیبدور گوز یولا بیر عمر دور «شبخیز» یول گوزلر
گوزون قربانی ای گوزلر گوزی قربانیوام گل گل
.
.
#مهدیه
#طبیبیم_دردمندم_طالب_درمانیوام_گل_گل
#شبخیز
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  روز محشر اولماسون الله بو شیعه شرمسار #عدلی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی