ظلمون اودونا درگه حق یاندی الهی #فاطمیه_شهروزافشار

حضرت زهرا سلام الله علیها
.
.
.
شهروز افشار
.
ظلمون اودونا درگه حق یاندی الهی
زهرا باغنون گللری گریاندی الهی
.
.
.
بو اهل مدینه داخی پیمان شکن اولدی
بولآر گل نیلوفری پرپر ائدن اولدی
هاردا گؤرونوب سن کیمی قبره گئدن اولدی
بو غمدن علی سینه سی سوزاندی الهی
.
.
.
ای خلقته برهان سنیدون یار ولایت
مندن بو آز عمرونده ائدوبسن چوخ حمایت
زهرا سنیدون روشنی بیت رسالت
نوریندن ایشیق چون مه تاباندی الهی
.
.
.
آگه سن الهی اورکیم قوتی گئتدی
بومحنت عظماده دیزیم طاقتی گئتدی
زهراسن ئولندن اویمون زینتی گئتدی
سندن صورا دنیا منه زنداندی الهی
.
.
.
ای درگهی مقتل منه سن وئر سس، اماندی
سندن صورا اولماز منه فریاد رس، اماندی
ای وای منه اللرده ئولن بی کس، اماندی
مظلوم ئولنیم قانینه قلطاندی الهی
.
.
.
زهرا گوز إویندن منی سن اولمیا آتدون
مشتاقیدون حق وصلینه سن ،مطلبه چاتدون
سن یاره لی سن خانه قبرده نجه یاتدون
هجروندن علی قلبی پریشاندی الهی
.
.
.
سیلی اثرین یوزده گورن لحظه سارالدوم
نیلی اولونان صورته باخدوقجا قوجالدوم
الله اوزی آگهدی نه غملی حالا قالدوم
ئولماق بومحندن دئدیم آساندی الهی
.
.
.
ای گوزدن آخان اشک ، سنه تاری اثر ایله
مدفون اولونان یاری بقیعده خبر ایله
بو عبد خطاکاره خانم سن نظر ایله
(افشاری) غلام شه مرداندی الهی
.
.
.
#فاطمیه #ترکی #فاطمیه_شهادت #زبدةالاشعار