ظلم اليله ياره لندی مرتضی محرابيده #حیدریه_هوشی_تبریزی

ضربت خوردن حضرت علی علیه السلام
..
..
..
..
مرحوم غلامعلی باقری الهامی (هوشی تبریزی)
..
..
..
..
ظلم اليله ياره لندی مرتضی محرابيده
باتدی قانه صورت شيرخدا محرابيده
..
..
..
..
بيرخطالی ال جسارتله گويه اولدی فراز
ظلميله قانه بوياندی سجده ده رکن نماز
دوشدی محراب عبادتده اوسلطان حجاز
يوزويروب بيراوزگه حالت برمَلا محرابيده
..
..
..
..
بيرخطا باش ويردی اولبی شرم و بد فرجامیدن
ماسوانی سالدی ظلمی طاقت وآراميدن
سندی اول ظلميله بير محکم ستون اسلاميدن
تا يخلدی شاه مُلک لافَتی محرابيده
..
..
..
..
باده کشف حجابيله زبس اولموشدی مست
تابع نفس اولدی اول بی دین وبی ناموس وپست
ايلدی تا با دۀ وجدان وايمانی شکـست
ال جفايه آچدی اول کان جفا محرابيده
..
..
..
..
حکم قرآن دورجهاندا حکم ختم الانبيا
امرايدوب اولسون گرک عورتده ناموس وحيا
بوگوزل امره ولی قُطّامه وُردی پشت پا
تا جسارت ايتدی اَشقی الاَشقيا محرابيده
..
..
..
..
بيرامامی که وجودئيدی اونون رُکن نماز
عالم امکاندا هرفعلی حقيقت نه مَجاز
آلدی بونقص نمازيله بيرعالی امتياز
اولدی هراهل نمازه رهـنما محرابيده
..
..
..
..
بیراوجا صوتیله سسلندی اودمده جبرئیل
اَيُهااَلاحباب شاه لافتی اولدی قتيل
قانه غلطان اولدی يعنی کون وامکانه دليل
صدمه تاپدی ظلمیله رکن هدا محرابیده
..
..
..
..
ايلدی سکان عرش وفرشی بوسس بی قرار
آلدی خاصه اهلبيت مرتضادن اختيار
قويدولاريوزمسجده دل داغلی ديده اشکبار
حاضر اولدی عترت شيرخدا محرابيده
..
..
..
..
مجتبی آلدی اوشاهين ديزلری اوسته باشين
گوردی خون آلود شاه لافتانون گوزقاشين
گل عذاره توکدی شبنم تک اوساعت گوزياشين
باشلادی شوريده بلبل تک نوامحرابيده
..
..
..
..
گوردی بيرياره دگوب دورشيرداورباشينه
وجه حق مستوراولوب دورقان آخوب گوزقاشينه
دلده وای ايوای بابا رخصت ويروب گوز ياشينه
ايلدی بر پا اودم بزم عزا محرابيده
..
..
..
..
هانسی دل دوربيله غمده صبرايدوب آيا دوزه
واريری کلثوم وزينب عارضه اشکين دوزه
قويدی بيرياندا حسين عباسيله بيريوزيوزه
آغلادی هم شاه هم صاحب لوا محرابيده
..
..
..
..
ثبت ايدوب تا منشی غم درد ومحنت خامه سين
بوايکی قارداش بولوب عالمده اوزبرنامه سين
ايتديلر گوزده مجسم کربلاهنگامه سين
ظاهـراولدی شورش کرب وبلا محرابيده
..
..
..
..
موج ايدوب هرتک تکی دريای غم تک داشديلار
هرايکی قارداش گلوبلرشيونه باش آشديلار
کربلاده بيرحسين عباسيله آغلاشديلار
بيرده شهرکوفه ده آه ای خدا محرابيده
..
..
..
..
«هوشيا» قرآنيله اعماليوی ميزان ايله
بوگوزل آيدا اوزيوی قابل غفران ايله
مايه غفرانه الده بوسوزون عنوان ايله
ظلم اليله ياره لندی مرتضی محرابیده
..
..
..
..
#حیدریه #هوشی_تبریزی #حیدریه_شهادت #ترکی #زبدةالاشعار