گیتدی الدن حیف اولا ماه دعا #رمضانیه_وداع_ستار_رزاقی

وداع با ماه رمضان
.
.
ستار رزاقی تبریزی
.
.
گیتدی اَلدن حیف اولا ماه دُعا
ماهِ رَحمَت ماهِ پُر فیض خدا
.
حَق بو آی آچمیشدی رَحمَت سفره سین
رَحمتی اول سفره ده بی منتها
.
خوانِ احسانِ حَقِ داداریدن
بهره مند اولموشدی اهل ماسوا
.
کیمسه تاپدی بو ضیافتده حضور
حَضرت حَقدَن گوروب بی حَد عطا
.
هر کیم ایلوب خالقه دوز بنده لیق
تاپدی قلبی نور حقّیله صفا
.
کیم بو آی شبهای قَدری دَرک ایدوب
نار دوزَخدَن ائوزون ایلوب رَها
.
خوش او خالص بَندَه نین احوالینه
اولدی اوندان حضرت باری رضا
.
خواب غَفلت لیک قویموب بَعضیلر
تا بو گونلرده تاپا حال دُعا
.
وای او اشخاصین اولا احوالینه
ایلییَنموب دردینه بو آی دوا
.
کیم بو ای توفیق طاعت تاپمادی
ایلدی ائوز نَفسینه حتما جفا
.
لیک الله قورخوسوندان چوخلاری
ائوز قویوب تُپراقه ایلوردی نوا
.
شُکر اولا گَلدی اوروشلوق بایرامی
گِتدی الدن حیف اولا ماه خدا
.
بو گوزل گونده آلار پاداشنی
هر اوکس کی سسلیوب دوز رَبّنا
.
ائوز قویوب رزّاقی دا درگاهیوه
بو گوزل آیدا ایدوردی التجا
.
سنده لطف ایله بو عاصی بنده وین
قیل دعاسین بو گوزل آیدا اَدا
.
#مناجات #رمضانیه_وداع #رمضانیه #ستار_رزاقی #رمضانیه #ترکی #زبدةالاشعار