ظهور ائدوب یئر اوزونده بو نه علامتدور #پیامبراسلام_حقیر_خویی

ذکر حالات حضرت رسالت پناه(ص)
.
✍️ زبدة الاشعار ✍️
.
🆔: @nohe_torki
.
مرحوم میرزا عبدالوهاب حقیرخویی
.
ظهور ائدوب یئر اوزونده بو نه علامتدور
جهان و خلق جهان غرق بحر محنتدور
.
ایاق یالین باش آچوق‌کوچه لرده سرگردان
تمام حالتی خلقین بیر اوزگه حالتدور
.
مگر نه حادثه واقع اولوب وقوعیندن
دوشوب تحیّره عالم مقام حیرتدور
.
صوامع فلکه وامحمدا سسی وار
سالوبدی غلغله هنگامۀ قیامتدور
.
غروبه میل ائلیوب آفتابه مشرق دین
ائدوب احاطه جهانی حجاب ظلمتدور
.
نچونکه ذره دی گون نور آفتاب و قمر
شعاع شعشعۀ نیّر رسالت دور
.
گنه سپهر جفا پیشه امّتین باشینا
توکوبدی خاک مصیبت یتیم امتدور
.
هنوز داغ محرّم ساغالمیوب دلده
گنه نه داغیدی بیر داغ دل کفایتدور
.
گلوب اگرچه صفردن قباق محرم آیی
ولیک سلخ صفر اول مصیبتدور
.
بو علته که پیمبر وفات ائدن گوندور
قرین محنت و غم اهل بیت عصمت دور
.
بولوردی حین وفاتینده گرچه امت شوم
بناسی عترت اطهاریله عداوت دور
.
گنه ائدردی مراعات حال امّتینی
خیال و فکری رعیّتلری رعایت دور
.
وصیت ائتماقا اصحابی قیلدی باشینه جمع
بویوردی وقت یاخیندور زمان رحلتدور
.
گئدن زماندا جماعت تَرَکتُمُ الثَّقَلین
قالان رسول خدادن ایکی امانتدور
.
بیری کلام الهی دی واجب التّعظیم
اؤز عترتیمدی بیری لازم المودّتدور
.
چوخ اهتمام ائلیون حفظ احترامینده
سیزه بو عمده وصیتدی هم نصیحتدور
.
یئر اوزره کشتی نوحین حقیقتاً مثلی
سفینۀ کَرَم عترت طهارتدور
.
مخالفت ائدن اولماز خلاص طوفاندان
تخلّف ایلمین غرقدن سلامتدور
.
علی وصیّ و وزیریمدی جانشینیمدور
سیزه منیم کیمی افعالی قولی حجت دور
.
بویوردی فاطمه حقّینده بَضعةٌ منّی
بتوله ائتسیز اذیت منه اذیتدور
.
عمل اولونذی رسول خدا وصیتینه
بلی نه وقت عیاندور دئماق نه حاجتدور
.
سقیفیه یغیشوب شور ائدوب منافق لر
یتوب محلّینه ایش ایمدی وقت فرصتدور
.
قباقجا سامری گوسالیه ائدوب بیعت
سالان ضلالته خلفی او گونکی بیعت دور
.
توکولدولر ائوینه قیل و قالیله اعراب
اَشَدُ کُفرو نِفاقاً بونا دلالت دور
.
باشیندا قاره گلوب فاطمه قاپی دالینا
گوروب ایکمجی کیشی غاصب ولایتدور
.
خطاب قیلدی جماعت نه بی حیالیقیدی
منیم قاپومدا بو نه ازدحام و کثرت دور
.
بس دئدی قاپونی آچ وگرنه یاندیرّام
دئمه حرم قاپوسی درگه نبوت دور
.
تغیّرانه خطاب ائتدی حضرت زهرا
اوتان حیا ایله سنده بو نه جسارت دور
.
کیمیله گور دانشورسان پیمبرین قیزینا
بو نه خلاف ادب دور نه هتک حرمت دور
.
نه نوع یاندیراسان بیر قاپونی کیم جبریل
ائدردی اذن طلب ماب فیض رحمت دور
.
دئدی بو سوزلری قوی هاردادور علی گلمور
خلیفه بیعتینه نه مقیم عِزلت دور
.
دئدی یانینداکی اصحابینه اودون گتورون
یانور عداوت اودی سینه ده نه مدت دور
.
قاپی یانوب قولی سندی حزین سسیله دئدی
بسوندی صبر عم اوغلی مقام غیرت دور
.
او دم علی چخوب ائودن دوتوب یره ووردی
دوروب دئدی قولومی باغلیان وصیت دور
.
ائشیتدی بولدی علی ذوالفقار چکمیه جاق
جسارت ائتدی گوروب فرصتی غنیمتدور
.
قدم قویوب ایرلی تا آچوب شرارت الی
عمرده جرأته باخ منتهای جرأت دور
.
سالوبلا بوینونا اؤز شالینی علیده خدا
نه حلمدور بشریّتده فوق طاعت دور
.
امامی بیعت ایچون مسجده قولی باغلی
چکه چکه آپارولّا عجب رعیّت دور
.
گراندی غیرت شیر خدا او قدرتیله
اسیر روبه اولا چون نظرده خفّت دور
.
باخان حقیقته اما تصوّر عجز ائلمز
گورر موافق حکمت کمال قدرت دور
.
یانیندا حلم و ادب هر بیری مساوی دور
امام اراده سی وابستۀ مشیّت دور
.
رضای حقه ائدوب اؤز رضاسینی بسته
دلیل الینده همان رشتۀ اطاعت دور
.
ولی هر عهده ده موسایه مدّعی فرعون
نجه که نوره مقابل همیشه ظلمت دور
.
یئر اوزره او نمرود یاندیران آتش
شرار شعله سی باقی الیٰ قیامت دور
.
تمام دوره ده ظاهر اولوب اونون ظلمی
که دولدوروب یئر اوزین ظلمی بی نهایتدور
.
او جمله دن حسن مجتبایه زهر وئرن
حقیقته اؤزی اسماده اسم و صورت دور
.
خیانتین ائدوب اثبات ارث زهراده
نتیجه جعده دن ابراز ائدن خیانت دور
.
شهید کرب و بلا قتلینه اگرچه اؤزی
مباشر اولمادی نقل سقیفه علت دور
.
فرات غصبینه نصب ائتدی او سعد اوغلین
گوروب اودا اؤزی تک معدن شقاوت دور
.
دولاندی دوره یتوب کربلا مقدمه سی
او کربلا کی آدی مایۀ کدورت دور
.
نه کربلا کی حسینجان وئروبدی اوردا سوسوز
که سینه لرده اؤلونجه بو داغ حسرت دور
.
گون ایسّی سینده دوداقلار یانیر جگر تشنه
تمام باشدان ایاقه بدن جراحت دور
.
یریله گوی آراسیندا دوروب بسان دخان
حرارت نفسیندن چیخان حرارت دور
.
گوروب صلاة حقیقی زمان ظهری قریب
نماز وقتی یتوب موسم عبادت دور
.
وضوسی خون گلو قتلگه مصلّاسی
تراب کرب و بلا سجده گاه طاعت دور
.
دوشنده صاق یوزی اوستونده سجدهٔ شکره
او وقت شمر گلوب شمردن روایت دور
.
دییر او حالده گوردوم کی خود به خود او غریب
تکلّم ایلوری آهسته گرم صحبت دور
.
یقینیم اولدی او مظلوم ائدر منی نفرین
و یا دیلینده سوزی قومدن شکایت دور
.
یواش یواش یریدیم تا قولاق وئروب گوردوم
جبینی سجده ده مشغول راز او حضرت دور
.
دییر الهی بو حنجر بو شمر خنجریدی
بو کربلادی که قربانگه محبت دور
.
بو باش لایق درگاهون اولسا باش اوسته
بو جان قبول نثاروندی جانه منّتدور
.
شهادت عهدیمه سن شاهد اول وفا ائتدیم
شهادتین دلیمده دم شهادتدور
.
علی ولایتینه مجتبی امامتینه
بتول حقّینه کیم درّ درج عفّت دور
.
منه باغیشلا خدایا عزا دوتانلاریمی
عوض شهادتیمه وعدۀ شفاعت دور
.
«حقیرین»عرضینی یارب حسین حرمتینه
قبول ایله تمنّاسی بیر زیارت دور
.
حسین قبرینه زوّار ایله حضّاری
نصیب اولسا بو توفیق چوخ سعادتدور
.
#پیامبراسلام_شهادت
#ظهور_ائدوب_یئر_اوزونده_بو_نه_علامتدور
#حقیر_خویی
#ترکی
.
✍️ #زبدةالاشعار ✍️
.
🆔: @nohe_torki