راجع به توحید
..
..
مرحوم تابع تبریزی
..
..
ای گوز بصیرتیلن ایله عالمه نظار
گورصانعین وجودینی گوندن سن آشکار
..
باخ بیر سماده انجم و مهرین نظامینه
گور بیر نجه نظامه سالوب حیّ کردگار
..
خورشیدی گورکی آردیجا حیران گزور قمر
یتمزله وصله وار نقدر دور روزگار
..
دقتله ایت بو گردشین اعجازینه نظر
گور متصل نجه دولانور لیل و هم نهار
..
دورت فصلی دوت نظرده بو غبراده ای گوزوم
گور کیم ویروبدی فصل لرین بوینونا مهار
..
فصل بهاریده گوورنور گل گیاهیلر
بلبل اورکده اولدوقی منظورینه چاتار
..
یای فصلی گون حرارتینی آرتورار مدام
گونده اولان او قوّۀ سوزانه ایت نظار
..
پائیز گلنده گل سارالار غنچه لر سولار
بلبل فراق گلدن اؤتور ایلر آه و زار
..
قیشدا هوا مسلّط اولور سطح عالمه
نه گل قالور چمنده نه گلشنده لاله زار
..
هر کیم وجود صانعی انکار ایده اگر
الحق ایدوب اؤزی اؤزونه ظام بیشمار
..
ارض و سما و ما خلقه ایله بیر نظر
معناده گوشیوه یتیشر بو ندا کرار
..
خلّاق کل عالم و ذرّات دور خدا
هم بیمثال و واحد و هم بی انیس و یار
..
ای گوز گر ایسته سن گوره سن ذات حقّی سن
گور اوز وجودیوی بودی آثار کردگار (1)
..
ارض و سمانی خلق ایلیوب ای بشر سنه
سنده دوشون خدایه ایله شکر بی شمار
..
اول تانی خدانی صورا انبیالری
کونه بو انبیالر ایدوب حقّی آشکار
..
اوّل کینون گوزل آدی آدمدی بو البشر
ختم المآب احمد صادق تاپوب شعار
..
پیغمبرون عزیزه سی زهرانی هم تانی
اون بیر امامه مامیدی هم عصمته عیار
..
زهرایه کفو اولمازیدى دار فانیده
دنیایه گلمسیدی على اول شه کبار
..
پیغمبرین عزیزه سینون وار نه قیمتی
عاجز قالوب بو باره ده صرّاف روز گار
..
درک رسالت ایله قدم قوى أمامته
بول اون ایکی وجودیدی محمودہ یادگار
..
اوّل علیدی حضرت پیغمبره وصی
ایکیمجیسی امام حسن شاہ تاجدار
..
اوچومجوسی امام حسین رهبر جهان
دوردومجوسی امام علیل اُول بزرگوار
..
بشّیمجیسی امام محمد لقب اونا
باقر یازوبدى لوح امامتده کردگار
..
آلتیمجیسی او مخبر صادق ولی حق
یدّی امام موسی کاظم او شهریار
..
سگّیز رضادی دوقّوزمنجی جوادیدور
اُونومنجیدور آتاسی نقی اول بزرگوار
..
اون بیر امام عسگریدور پیشوای دین
اون ایکیسی امام زمان معدن وقار
..
یولدا قالوبدی گوزلری اما بودور سوزی
ویر اذن انتقام آلوم ای رب کردگار
..
یارب نه وقته جان قالاجاخ جدّیمون قانی
جدّیم مصیبتی دلیمی ایتدی داغدار
..
ویر بیر اجازه پرده دالیندان کنار اولوم
خلقه حقیقتی ایلیوم گون تک آشکار
..
بیرده الهی «تابع دین» یالوارور منه
دنیاده فقر گورمیه عقباده سوز نار
..
(1) مولى الموحدين و امام العارفين امام علی(عليه السلام) مي فرمايد: «مَنْ عَرَفَ نَفسَهُ فَقَد عَرَفَ رَبَّهُ»؛ (كسى كه خود را شناخت خدايش را شناخته است).
..
..
..
#مناجات #تابع_تبریزی #14معصوم #ترکی #زبدةالاشعار
نظر دهید