عاشق شوریده نین قان رگلرینده جوش ائدر #اصغریه_محمد_وهابزاده

شش ماهه عاشق
..
..
محمد وهابزاده (عیّار اردبیلی)
..
..
عاشقِ شوریده نین قان رگلرینده جوش ائدر
شورشِ عشق و جنون عقلین آلار مَدهوش ائدر
..
گور نئجه شش ماهه عاشق ترک ائدوب گهواره سین
عشقی وار آتشفشان تک کیم اونی خاموش ائدر
..
غیرتین باخ حدّینه عار اولدی گهوار اصغره
تشنۀ تیرِ سه پر خونِ گلوسین نوش ائدر
..
سالکِ بی واهمه مایَملَکیندن ال چکر
جان کفِ اخلاصیده پیکانی هم آغوش ائدر
..
گوز ویرار صیاده تا رای و رضایت گورسده
رأیین آلجاق حنجر نرمین اوخا مَفروش ائدر
..
اوخ گلر یوللاردا سویلر که منم جرّاح عشق
صوداَمر طفلین بوغازین ذبح گوشا گوش ائدر
..
ایستی قان فوّاره ایلر صحنه وحشتناک اولار
تیری خارج ایلینده شاهدی بیهوش ائدر
..
بیلمییَن بیلسون آچیق یازماق بیزه ممنوعیدی
گر آچیق یازسام جهانی جمله قاره پوش ائدر
..
مدعی آز طعنه وور (عیّاری) وادار ایلمه
صحنه پرداز اولماقا اُستادینه کُرنوش ائدر
..
باغبان خسته اوجین قانیلن لبریز ائدر
نغمۀ انا الیه راجعون چاووش ائدر
..
..
#اصغریه #محمد_وهابزاده #اصغریه_شهادت #ترکی #زبدةالاشعار