زبانحال مادر حضرت علی اکبر (ع) در راه شام
..
..
مرحوم ذهنی تبریزی
..
..
کیم علی صحرانورد اولدی بو بی مأوا کیمی
کیم دیر مجنون بیابانگردیدی لیلا کیمی
..
..
من سنون أمّیدیویله ایلدیم ترک وطن
ایمدی سرگردان هجرم وادی حیرتده من
چون فنا فی اللهیوم خوف ایتمرم بو ورطه دن
خوشدی مین غوغا اولا باشوندا که غوغا کیمی
..
..
تار زلفون فکرین از بس ایلدیم شام و سحر
حالیم اولدی عاقبت زلفون کیمی آشفته تر
تار اولوب دنیا گوزومده سنسیز ای نور بصر
روزگار روشنیم اولدی شب یلدا کیمی
..
..
اسدی صحرای بلاده صرصر جور و جفا
تیز خزان اولدی بهارون ای گل باغ وفا
شوره گلّم بلبل شوریده تک قیلّام نوا
نیزه باشیندا باشون گورجک گل حمرا کیمی
..
..
گرچه هر ثکلا اوغول هجرینده ایلر چوخ فغان
باغرین ایلر زخم داغ هجر غور ایتدوقجه قان
اولماز امّا بیله سونمز اوددا لیلا تک یانان
یانمیوب عالمده بیر ثکلا من ثکلا کیمی
..
هانسی بیر اوغلی ئولنده وار بو درد بی دوا
اوغلون ئولدورسون اسیر ائتسون اؤزون اهل جفا
دمبدم گل تک اوغول باشین گوروب زیب جدا
باشلاسون فریاد و شیون بلبل شیدا کیمی
..
..
آتش عشقیله چون تخمیر اولوب آب و گلیم
شمع رویونله یانان پروانه تک خوشدور دلیم
حاش لله ایلسون شِکوه بو یانماقدا دلیم
یوخدی بیر پروانه بی پروا بو بی پروا کیمی
..
..
شعلۀ آهیم زبس آتش فشاندور دمبدم
منظر حرّا اولور اؤز منظریمده مُرتَسَم
اوز اؤدیمله یانماقا مثل سمندر شائقم
راضیم یانسام سراسر بو دل حرّا کیمی
..
..
رشتۀ دمله رُفویه ایتسه عیسی اهتمام
زخم داغ فرقتون ایستمز قبول التیام
وار مریض هجریوون بهبودینه یأس تمام
ای اؤزوندن مَریمین مهجور ایدن عیسی کیمی
..
..
نقطه سیز صورتده ویرمز حسنه چون معنا جمال
کلک قدرت لوح حسنونده قویوب بیر طرفه خال
حَبَّذا حسنون او خالیله تاپوب حدّ کمال
صورتون توحیده برهاندور عجب معنا کیمی
..
..
ای جمالی مظهر حسن رسول کردگار
سنده کامل قدرتین نقّاشین ایلوب آشکار
صفحۀ ایجادیده مشگلدی چشم روزگار
بیرده بیر صورت گوره بو صورت زیبا کیمی
..
..
#راه_شام #ذهنی_تبریزی #ترکی #زبدةالاشعار #اکبری #اکبریه_شهادت
نظر دهید