زبدةالاشعار

عاشق گرک همیشه اولا درده مبتلا – #حسینیه_مجمر_تبریزی

حسین عاشقی
.
✍️ زبدة الاشعار ✍️

?: @nohe_torki
.
مرحوم مجمر تبریزی
.
عاشق گرک همیشه اولا درده مبتلا
معشوقینون یولوندا چکه محنت و بلا
.
یاددان چیخاردا دلده اولان هر محبتی
شوقیله باش و جان ایده معشوقینه فدا
.
صبر ایلیه نقدری بلا گلسه جانینه
باک ایتمیه نقدری چکه ذلت و جفا
.
دائم اورکده ساخلیا معشوق مهرینی
نه مال قدرینی بُله نه قوم و اقربا
.
تیر غم و بلایه ایده سینه سین سپر
هر درد و محنتی گوره اوز جانینه روا
.
هر کس که ایستر اورگنه عشقین طریقه سین
لازمدی شوریله ایله سون عزم کربلا
.
گیتسون دیار کرببلاده ایده نظر
گورسون ننوع عاشقیدی شاه نینوا
.
گورسون او شاه تشنه لبه راه عشقیده
ایلوب نقدری جور و جفا قوم اشقیا
.
اوز عشقینین یولوندا ویروب باش و جانینی
مین شوقیله اولوبدی ذبیحاً مِنَ القَفا
.
شبه پیمبر، اکبرینی جور و کینییله
ئولدوردوله او گونده اونی قوم اشقیا
.
گونلر ایوینده گل بدنی چاک چاک اولوب
بی غسل و بی کفن قالوب اول شبه مصطفا
.
عباس تک قارداشینین قولّاری دوشوب
لب تشنه جان ویروبدی او فرزند مرتضا
.
ایستی قوم اوسته سرو کیمی نازیله یاتوب
آل قانیله یاخوبدی حنا تازه کدخدا
.
نازلی سکینه اسیر اولوب شمر کافره
زنجیره باغلیوب قولون اول ظالم دغا
.
هرلحظه ظلم الیله وورار قمچی باشینه
سویلر او شوم و کافره اول زار و بینوا
.
وورما من اسیری ظالم بو نوعیله
رحم ایله کیم باخور منه فرزند مصطفا
.
قانلی باشی جداده آچوب قانلی گوزلرین
حسرتله گوز تیکوب منه اول باب با وفا
.
#مجمر یقین ایله سنه هم حاضرینیله
ایلر شفا عت حشریده سلطان اولیا

متن پیشنهادی:  تا وار نفس مصیبتیوه آغلارام حسین #حسینیه_علیرضا_عباسی

.

#ورود_محرم
#حسینیه_مدح
#حسینیه_شهادت
#عاشق_گرک_همیشه_اولا_درده_مبتلا
#مجمر_تبریزی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی