#عاشورا_گونی
.
✍️ زبدة الاشعار ✍️
?: @nohe_torki
.
حاج اصغر فرشچی (عدلی تبریزی)
.
عالمی ماتم دوتوب دور یوم عاشورا اولوب
بزم غم اوغلی حسینه ساخلین زهرا اولوب
.
بو همان گوندی حسین اوز عهدینه ایفا ایدوب
نوش ایدوب جام شهادت عشقی بی همتا اولوب
.
مین بلا گلدی دایاندی ایتمدی ترک وفا
توکدولر قانین حسینون قطره سی دریا اولوب
.
اکبر آدلی نوجوانی قطعه قطعه دوغرانوب
همرهی یتمیش ایکی هم پیر و هم برنا اولوب
.
سود امر سربازینه اوچ شعبه لی پیکان دگوب
تیتر یوب ارکان عالم آغلیین دنیا اولوب
.
شوقیله نوش ایتدی اکبردن سورا جام بلا
قاسم تازه جوان و آغلیین صغرا اولوب
.
سولدولار سوز عطشدن خیمه ده خرد و کبار
گوردی عباس غیرتیندن بیر گل حَمرا اولوب
.
اذن آلوب مشگین گوتوردی تا ایده تحصیل آب
چون ابوالفضل یوم تَف عطشانلارا سقّا اولوب
.
آت سالوب آب فراته دولدوروب سو مشگینی
اوخ آتانلار اوخ ویروب مشگی آخوب بی ماء اولوب
.
اوندا که مشگ اوخلانوب قولار دوشوب توپراقلارا
آخدی اشکی دردی بی درمان غمی عظما اولوب
.
باخدی یرده قولارا سسلندی بیردن یاحسین
گل منیم گور دشمنیم چون شیر بی پروا الوب
.
قارداشا قارداش دیماق قوّت ویروب روح و تنه
آلدی شمشیرین دیشه جنگ و جدل بر پا اولوب
.
اُلدوروب بیر عدّه نی ملحق ایدوب اجدادینه
سالدی بیر بیر باشلاری تا قوّته دارا اولوب
.
وای اوساعتدن که قارداش قارداشی درک ایلدی
قان دولان تک گوز آچلدی بیر زمان بینا اولوب
.
عرض ایدوب اخیامه قارداش نعشیمی حمل ایلمه
اوخلیوبلر مشکمی بو زحمتیم بیجا اولوب
.
باش سنوب قولار قلم فکر ایلمه محزونیم
غصه مرگ ایلورمنی چون قارداشیم تنها اولوب
.
بسدی آز یاز (عدلی) سن یوم بلا احوالنی
دفترعشاقیده عشقون سنون امضاء اولوب
.
#عاشورا
#عالمی_ماتم_دوتوب_دور_یوم_عاشورا_اولوب
#عدلی_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید